Հայտարարություն քաղաքաշինական ծրագրին մասնակցելու վերաբերյալ

Երևանի քաղաքապետարանը հրավիրում է քաղաքաշինության ոլորտում գործունեություն ծավալող ներդրողներին՝ մասնակցելու Մաշտոցի պողոտա, Կորյունի և Իսահակյան փողոցներով պարփակված տարածքում նախատեսվող քաղաքաշինական ծրագրին։ Ծրագրի նպատակն է լուծել 2010 թվականի հրդեհից տուժած բնակիչների բնակարանային խնդիրը (42 բնակարան՝ 3800քմ), ինչպես նաև իրականացնել տարածքի կառուցապատում և բարեկարգում՝ ներառյալ կանաչապատում, խաղահրապարակներ և ստորգետնյա ավտոկայանատեղեր։ Ներդրողները կարող են ներկայացնել իրենց առաջարկությունները Երևան քաղաքի գլխավոր ճարտարապետին։