Հայտարարություն ««Կանաչ» հմտություններ երիտասարդների համար» ծրագրի շրջանակներում կազմակերպվող դասընթացների և դպրոցների էներգաարդյունավետության բարձրացման աշխատանքների իրականացման նպատակով դպրոցների ընտրության մրցույթի վերաբերյալ

ՄԱԶԾ-ԳԷՀ Փոքր դրամաշնորհների ծրագրով ֆինանսավորվող ««Կանաչ» հմտություններ երիտասարդների համար» ծրագիրը հայտարարում է մրցույթ՝ դպրոցներում էներգաարդյունավետության բարձրացման աշխատանքներ իրականացնելու և դասընթացներ կազմակերպելու համար։ Ծրագրի նպատակն է բարձրացնել իրազեկվածությունը կլիմայի փոփոխության վերաբերյալ, ներգրավել դպրոցականներին «կանաչ» տեխնոլոգիաների միջոցով էներգաօգտագործման գնահատմանը և էներգաարդյունավետության բարձրացման աշխատանքներին։ Մրցույթին մասնակցելու համար անհրաժեշտ է ներկայացնել մի շարք փաստաթղթեր, իսկ հայտերի ընդունման վերջնաժամկետը 30.10.2020թ. է։