Հաղթական հնչյուններ խորագրով փառատոն մայրաքաղաքի կենտրոնական 5 հատվածներում

Երևանի քաղաքապետարանը մայիսի 9-ին, ժամը 15:00-ից 18:00-ն կանցկացնի "Հաղթական հնչյուններ" փառատոնը։ Միջոցառումը նվիրված է Հայրենական մեծ պատերազմում տարած հաղթանակի 65-րդ տարեդարձին։ Փառատոնը տեղի կունենա մայրաքաղաքի հինգ հատվածում՝ Հյուսիսային պողոտայում, "Կասկադ" համալիրում, Ազնավուրի հրապարակում, Մաշտոցի պողոտայի և Բուզանդի փողոցի խաչմերուկում, ինչպես նաև Կամերային երաժշտության տանը հարակից տարածքում։