«ԵՐԵՎԱՆ ՔԱՂԱՔԻ 2023 ԹՎԱԿԱՆԻ ԲՅՈՒՋԵԻ ՄԱՍԻՆ» ԵՐԵՎԱՆ ՔԱՂԱՔԻ ԱՎԱԳԱՆՈՒ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ ՀԱՆՐԱՅԻՆ ՔՆՆԱՐԿՈՒՄՆԵՐԻ ՀՐԱՎԵՐ

Երևանի քաղաքապետարանը հրավիրում է շահագրգիռ անձանց մասնակցելու Երևան քաղաքի 2023 թվականի բյուջեի մասին Երևան քաղաքի ավագանու որոշման նախագծի վերաբերյալ հանրային քննարկումներին, որոնք տեղի կունենան 2022 թվականի նոյեմբերի 16-ից 30-ը։ Առաջարկություններ և դիտողություններ կարելի է ներկայացնել մինչև նոյեմբերի 30-ը։ Հանրային բաց լսումներ կանցկացվեն նոյեմբերի 24-ին, ժամը 15:00-ին, Արգիշտիի փողոցի 1 հասցեում։ Մասնակցության համար անհրաժեշտ է մինչև նոյեմբերի 23-ը ներկայացնել դիմում։