Հանրային քննարկման հրավեր երիտասարդության հարցերով

Երևանի քաղաքապետարանը հրավիրում է բոլոր շահագրգիռ ֆիզիկական և իրավաբանական անձանց մասնակցելու երիտասարդության հարցերին նվիրված հանրային քննարկմանը։ Քննարկման ընթացքում կքննարկվեն երիտասարդության ոլորտում տարվող աշխատանքները, նախատեսվող ծրագրերը, հնարավոր համագործակցությունները և երիտասարդության ոլորտում առկա խնդիրների լուծմանն ուղղված առաջարկությունները։ Մասնակցության համար անհրաժեշտ է մինչև մարտի 22-ը էլեկտրոնային փոստով ուղարկել մասնակցությունը հաստատող նամակ։ Հանդիպումը տեղի կունենա մարտի 26-ին՝ ժամը 16:00-ին Երևանի քաղաքապետարանի վարչական շենքի 5-րդ հարկի բրիֆինգների դահլիճում։ Անհրաժեշտ է անձը հաստատող փաստաթուղթ։