Հանրային քննարկման հրավեր՝ Թբիլիսյան խճուղի 20/20 հասցեում բենզալցակայանի կառուցման վերաբերյալ

2025 թվականի փետրվարի 18-ին, ժամը 15:00-ին, Քանաքեռ-Զեյթուն վարչական շրջանի ղեկավարի նստավայրում տեղի կունենա հանրային լսում Գևորգ Հարությունյանի կողմից ներկայացված՝ Քանաքեռ-Զեյթուն վարչական շրջանի Թբիլիսյան խճուղի 20/20 հասցեում բենզալցակայանի կառուցման վերաբերյալ շրջակա միջավայրի վրա ազդեցության գնահատման հաշվետվության փորձաքննական գործընթացի շրջանակներում։ Փաստաթղթերին կարելի է ծանոթանալ շրջակա միջավայրի նախարարության, Երևանի քաղաքապետարանի և նախաձեռնողի պաշտոնական կայքերում։ Տեղեկատվություն ստանալու և առաջարկություններ ներկայացնելու համար կարելի է դիմել շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ։