Հայտարարություն՝ համակարգող խորհուրդ ձևավորելու մասին

Երևանի քաղաքապետարանի աշխատակազմի սոցիալական աջակցության Էրեբունու տարածքային բաժինը հրավիրում է սոցիալական ծառայություններ մատուցող մարմիններին, կազմակերպություններին և ֆիզիկական անձանց՝ հայտագրվելու և համակարգող խորհուրդ ձևավորելու համար։ Խորհրդի կազմում պարտադիր ընդգրկվում են ՀՀ կառավարության 2015 թվականի սեպտեմբերի 10-ի N 1061-Ն որոշման 1-ին կետով սահմանված սոցիալական ծառայություններ տրամադրող տարածքային մարմինների մեկական ներկայացուցիչներ, ինչպես նաև սոցիալական ծառայություններ տրամադրող կազմակերպությունների ներկայացուցիչներ և ֆիզիկական անձինք։ Խորհուրդը գործելու է 2 տարի ժամկետով՝ անհատական կազմը ձևավորվելուց հետո։