Հայտարարություն Աջափնյակի տարածքային բաժնում սոցիալական համագործակցության համակարգող խորհրդի ձևավորման մասին

Երևանի քաղաքապետարանի աշխատակազմի սոցիալական աջակցության Աջափնյակի տարածքային բաժինը հրավիրում է սոցիալական ծառայություններ մատուցող մարմիններին, կազմակերպություններին և ֆիզիկական անձանց՝ հայտագրվելու և ձևավորելու համակարգող խորհուրդ։ Խորհրդի կազմում պարտադիր ընդգրկվում են ՀՀ կառավարության 2015 թվականի սեպտեմբերի 10-ի N 1061-Ն որոշմամբ սահմանված սոցիալական ծառայություններ մատուցող տարածքային մարմինների մեկական ներկայացուցիչներ, ինչպես նաև սոցիալական ծառայություններ մատուցող կազմակերպությունների ներկայացուցիչներ և ֆիզիկական անձինք։ Խորհուրդը գործելու է 2 տարի ժամկետով՝ անհատական կազմը ձևավորվելուց հետո։