ՀԱՄԱՁԱՅՆԱԳԻՐ

Սույն համաձայնագիրը կնքվում է «Սոցիալական աջակցության մասին» ՀՀ օրենքի 35-րդ հոդվածի դրույթներով՝ սոցիալական ծառայությունների տրամադրման գործընթացում շահագրգիռ կողմերի համագործակցության, հետագա զարգացման և գործընկերային հարաբերությունների ձևավորման, ինչպես նաև սոցիալապես անապահով խմբերի տնտեսական և սոցիալական խոցելիության նվազեցման նպատակով։ Համաձայնագիրը նախատեսում է համակարգող խորհրդի ձևավորում՝ սոցիալական համագործակցության աշխատանքները համակարգելու նպատակով։ Կողմերը պարտավորվում են պահպանել համագործակցության սկզբունքները, իրազեկել միմյանց իրականացվող ծրագրերի մասին, արագ արձագանքել արտակարգ իրավիճակներում, իրականացնել կանխարգելիչ աշխատանքներ և բարձրացնել հանրության իրազեկվածությունը։ Համաձայնագրով սահմանվում են կողմերի իրավունքները, պարտականությունները, պատասխանատվությունը և վեճերի լուծման կարգը։