Հրավիրում ենք մասնակցելու «ԵՄ-ն Երևանի համար. Արևային համայնք» ծրագրի 2-րդ փուլին

«ԵՄ-ն Երևանի համար. Արևային համայնք» ծրագրի աշխատանքային խումբը հրավիրում է մասնակցելու ծրագրի 2-րդ փուլին: Ծրագրի շրջանակում նախատեսվում է շուրջ 90 բազմաբնակարան շենքերի տանիքներին տեղադրել արևային ֆոտովոլտային համակարգեր, մուտքերում անցկացնել նոր էներգախնայող լուսավորության համակարգ, փոխարինել բակային լուսավորության լուսատուները, ինչպես նաև բազմաբնակարան շենքերի անապահով ընտանիքներին տրամադրել էներգախնայող լուսատուներ: Մասնակցության համար անհրաժեշտ է լրացնել և հաստատել դիմում-հայտը և պարտավորագիրը՝ մինչև 2019 թվականի օգոստոսի 30-ը, ժամը 16:00-ն, և ներկայացնել Երևանի քաղաքապետարանի աշխատակազմի զարգացման և ներդրումային ծրագրերի վարչություն: