Պարզաբանում՝ թիվ 5 երթուղու աշխատանքի պարբերականության խաթարման վերաբերյալ

Հայտարարություն՝ կապված թիվ 5 ավտոբուսային երթուղու աշխատանքի պարբերականության խաթարման վերաբերյալ։ Որոշ լրատվամիջոցներում շրջանառվող «սաբոտաժ» կազմակերպելու մասին տեղեկություններին ի պատասխան՝ Երևանի քաղաքապետարանը պարզաբանում է, որ միջմարզային և ներմարզային կանոնավոր փոխադրումների երթուղիները համաձայնեցվում են Երևանի քաղաքապետի հետ։ «Էջմիածին-Երևան-Էջմիածին» երթուղու թիվ 203 միկրոավտոբուսները Կենտրոնական ավտոկայանում սահմանված վերջնակետից շարունակում են ուղևորափոխադրումներ՝ հասնելով մինչև «Երիտասարդական» մետրոյի կայարան և Աբովյան պուրակ։ Սա խաթարել է Երևանի ներքաղաքային երթուղիների, այդ թվում՝ թիվ 5 ավտոբուսային երթուղու բնականոն աշխատանքը։ Աշխատանքներ տարվում են հարցը կարգավորելու ուղղությամբ։