Վարդավառին նվիրված տոնական միջոցառումները կմեկնարկեն հուլիսի 22-ին

Հուլիսի 22-ին և 23-ին Երևանում կանցկացվեն Վարդավառին նվիրված տոնական միջոցառումներ: Միջոցառումները կմեկնարկեն հուլիսի 22-ին Սուրբ Սարգիս եկեղեցուց դեպի Երևանի մանկական զբոսայգի երթով, որին կհաջորդի համերգային ծրագիր: Հուլիսի 23-ին Կարապի լճի մոտ կկազմակերպվի գլխավոր միջոցառումը՝ խաղերով, համերգով և ջրային դիսկոտեկով: Միջոցառումներ կանցկացվեն նաև մայրաքաղաքի վարչական շրջաններում: