Ժամանակավորապես կփակվեն մայրաքաղաքի որոշ ճանապարհահատվածներ

Ապրիլի 18-ի երեկոյան ժամը 20:30-ից մինչև ապրիլի 19-ի լուսաբաց, Մաշտոցի պողոտան՝ սկզբնամասի թունելային հատվածից մինչև Պուշկին փողոց ընկած հատվածը, տրանսպորտային երթևեկի համար միակողմանի փակ կլինի։ Ժամը 21:30-ից մինչ լուսաբաց, Ավան վարչական շրջանի Աճառյան փողոցի՝ մինչև Բաբաջանյան փողոցի խաչմերուկ բարձրացող ճանապարհահատվածը նույնպես կփակվի։ Այս փակումները պայմանավորված են ասֆալտապատման աշխատանքներով։