ԵՐԵՎԱՆԻ ՔԱՂԱՔԱՊԵՏ
ՈՐՈՇՈՒՄ
ՀՀ, 0015, ք. Երևան, Արգիշտիի 1
№ ____________ « » 2026թ.

«ՊԱՏԵՐԱԶՄՆԵՐԻ ԺԱՄԱՆԱԿ ՏՈՒԺՎԱԾՆԵՐԻ ԸՆՏԱՆԻՔՆԵՐԻ ԻՐԱՎՈՒՆՔՆԵՐԻ ԿԵՆՏՐՈՆ » ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆՆ ՈՒՂՂԱԿԻ ՎԱՃԱՌՔԻ ՄԻՋՈՑՈՎ ՀՈՂԱՄԱՍ ՕՏԱՐԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել «Պատերազմների ժամանակ տուժվածների ընտանիքների իրավունքների կենտրոն» ՀԿ-ի լ/ա Տիգրան Մարտիրոսյանի դիմումը՝ Սեբաստիայի փողոցի հ.157/6 հասցեում գտնվող հողամասն ուղղակի վաճառքի միջոցով հասարակական կազմակերպությանն օտարելու մասին:

Հարցի քննարկման համար հիմք է հանդիսացել անշարժ գույքի նկատմամբ իրավունքների պետական գրանցման հ.07042025-01-0012 վկայականը:

«Պատերազմների ժամանակ տուժվածների ընտանիքների իրավունքների կենտրոն» ՀԿ-ին է դիմել Երևանի քաղաքապետի 2007 թվականի հոկտեմբերի 5-ի հ.3984-Ա որոշմամբ հաստատված ցուցակում ներառված հողօգտագործող Հովհաննես Զաքարյանը՝ Սեբաստիա փողոցի հ.157/6 հասցեում գտնվող, կազմակերպությանն հատկացված հողամասի շուկայական արժեքին մոտարկված կադաստրային արժեքը կազմակերպության կողմից վճարելուց հետո նշված հողամասն անհատույց սեփականության իրավունքով իրեն օտարելու խնդրանքով:

Երևանի քաղաքապետի 2007 թվականի օգոստոսի 28-ի հ.3166-Ա որոշման հիման վրա Կուրղինյան փողոցի հ.8/1 հասցեում գտնվող «Պատերազմների ժամանակ տուժվածների ընտանիքների իրավունքների կենտրոն» հասարակական կազմակերպությանն անհատույց /մշտական/ օգտագործման իրավունքով տրամադրված 1.43հա հողամասն ընկերության կողմից տրամադրված բաժանման հատակագծի հիման վրա՝ բաժանվել է առանձին գույքային միավորների և հողամասերին տրամադրվել են համապատասխան հասցեներ :

Քննարկվող հողամասն ընդգրկված չէ հողային օրենսգրքի 60-րդ հոդվածով սահմանված հողամասի կազմում և Հայաստանի Հանրապետության կառավարության 2020թ. հունիսի 4-ի հ.1023-Ն որոշմամբ հաստատված հավելվածների՝ ըստ տարածա- գնահատման համաձայնեցված սխեմայի քննարկվող հողամասը գտնվում է 7-րդ գոտում և Հայաստանի Հանրապետության 2009 թվականի դեկտեմբերի 24-ի հ.1517-Ն որոշմամբ փոխանցվել է Երևան համայնքին: Հողամասի ծածկագիրն է 01-007-515-001 /ծածկագիրը ներառված է Երևանի ավագանու 26.06.2012թ. հ.470-Ն որոշման մեջ՝ 48612 տող/:

Ղեկավարվելով «Երևան քաղաքում տեղական ինքնակառավարման մասին» օրենքի
49-րդ հոդվածով, «Վարչարարության հիմունքների և վարչական վարույթի մասին» օրենքի
3-րդ, 53-րդ, 59-րդ և 60-րդ հոդվածներով, «Անշարժ գույքի հարկով հարկման նպատակով
անշարժ գույքի շուկայական արժեքին մոտարկված կադաստրային գնահատման կարգը
սահմանելու մասին» օրենքով, Հայաստանի Հանրապետության կառավարության 2020
թվականի հունիսի 4-ի հ.1023-Ն որոշմամբ, հողային օրենսգրքի 7-րդ հոդվածի 4-րդ և 5-րդ
կետերով, 59-րդ հոդվածով և 66-րդ հոդվածի 1-ին կետի 3-րդ ենթակետով, Երևան քաղաքի
ավագանու 2025 թվականի դեկտեմբերի 23-ի հ.463-Ն որոշման հավելվածի 55-րդ կետով,
հաշվի առնելով Երևանի քաղաքապետի 2005 թվականի հուլիսի 11-ի հ.1475-Ա, 2006
թվականի փետրվարի 1-ի հ.132-Ա, 2007 թվականի հոկտեմբերի 5-ի հ.3984-Ա և 2008
թվականի մարտի 31-ի հ.1456-Ա որոշումները, Երևանի քաղաքապետարանի
աշխատակազմի ճարտարապետության և քաղաքաշինության վարչության Դ-129298-25 և
Դ-65901-26 եզրակացությունները.

1. Սեբաստիայի փողոցի հ.157/6 հասցեում գտնվող, 443.5քմ մակերեսով հողամասը՝
   սեփականության իրավունքով ուղղակի վաճառքի միջոցով օտարել (վաճառել)
   «Պատերազմների ժամանակ տուժվածների ընտանիքների իրավունքների կենտրոն»
   ՀԿ-ին՝ սույն որոշման ընդունման պահին գործող տարածագնահատման 7-րդ գոտու
   շուկայական արժեքին մոտարկված կադաստրային արժեքով /1քմ մակերեսի արժեքը
   կազմում է 24889 ՀՀ դրամ /, 443.5քմ մակերեսով հողամասի համար Երևանի
   քաղաքապետարանի 900015211320 հաշվեհամարին (հողի օտարումից եկամուտներ)
   վճարելով՝ 443.5 x 24889=11.038.271 ՀՀ դրամ:

2. Հանձնարարել Երևանի քաղաքապետարանի աշխատակազմի անշարժ գույքի
   կառավարման վարչության պետին՝ «Պատերազմների ժամանակ տուժվածների
   ընտանիքների իրավունքների կենտրոն» ՀԿ-ի կողմից հողամասի շուկայական արժեքին
   մոտարկված կադաստրային արժեքների վճարումը հավաստող փաստաթուղթը
   ներկայացնելուց հետո, հինգ աշխատանքային օրվա ընթացքում, Երևանի քաղաքապետի
   անունից կազմակերպության հետ կնքել հողամասի առուվաճառքի պայմանագիր:

3. Սահմանել, որ սույն որոշման ընդունման պահից հողամասի շուկայական արժեքին
   մոտարկված կադաստրային արժեքը՝ հողամասը ձեռք բերողի կողմից 15-օրյա ժամկետում
   չվճարվելու դեպքում՝ որոշման 1-ին կետը համարվում է ուժը կորցրած:

4. Ընդունել ի գիտություն, որ սույն որոշումից բխող բոլոր գույքային իրավունքների
   պետական գրանցման, պայմանագրի նոտարական վավերացման , ինչպես նաև
   օրենսդրությամբ նախատեսված միասնական տեղեկանքի ստանալու համար ծախսերը և
   այլ անհրաժեշտ վճարումներն իրականացվում են «Պատերազմների ժամանակ
   տուժվածների ընտանիքների իրավունքների կենտրոն» ՀԿ-ի միջոցների հաշվին:

5. Ընդունել ի գիտություն, որ առուվաճառքի պայմանագիրը ենթակա է նոտարական
   վավերացման , իսկ պայմանագրից ծագող իրավունքները՝ պետական գրանցման ՀՀ
   կադաստրի կոմիտեում:

6. Սույն որոշումը կարող է վարչական կարգով բողոքարկվել Երևանի քաղաքապետին
   կամ դատական կարգով Հայաստանի Հանրապետության վարչական դատարան՝ դրա
   ուժի մեջ մտնելու օրվանից երկամսյա ժամկետում։

7. Որոշման կատարման կազմակերպումն ու պատասխանատվությունը դնել Երևանի
   քաղաքապետարանի աշխատակազմի ճարտարապետության և քաղաքաշինության,
   անշարժ գույքի կառավարման վարչությունների պետերի վրա:

8. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:
   ՏԻԳՐԱՆ ԱՎԻՆՅԱՆ