Ինքնակամ իրականացված կառույցն օրինականացնելու մասին

ԵՐԵՎԱՆԻ ՔԱՂԱՔԱՊԵՏ
ՈՐՈՇՈՒՄ

ՀՀ, 0015, ք. Երևան, Արգիշտիի 1
№____________ « » 2026թ.
ԵՐԵՎԱՆ, ՆՈՐ ՆՈՐՔ, Հ.ԹԵՎՈՍՅԱՆ ՓՈՂՈՑ, Հ.115/11 ՀԱՍՑԵՈՒՄ՝
ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍՈՒՄ ՔԱՂԱՔԱՑԻ ՀԱԿՈԲ
ՄԿՐՏԻՉԻ ԹՈՒԹՈՒՆՋՅԱՆԻ ԿՈՂՄԻՑ ԻՆՔՆԱԿԱՄ ԻՐԱԿԱՆԱՑՎԱԾ ԿԱՌՈՒՅՑՆ
ՕՐԻՆԱԿԱՆԱՑՆԵԼՈՒ ՄԱՍԻՆ

Ղեկավարվելով «Անշարժ գույքի հարկով հարկման նպատակով անշարժ գույքի
շուկայական արժեքին մոտարկված կադաստրային գնահատման կարգը սահմանելու
մասին» օրենքով, Հայաստանի Հանրապետության կառավարության 2006 թվականի մայիսի
18–ի հ.912-Ն որոշմամբ հաստատված կարգի 17-րդ կետով, հիմք ընդունելով Երևանի
քաղաքապետի 2010 թվականի նոյեմբերի 12-ի հ.5299-Ա որոշումը, կառույցը
քաղաքացիական օրենսգրքի 188–րդ հոդվածի 5-րդ մասով սահմանված օրինականացման
պայմաններին համապատասխանելու վերաբերյալ՝ Երևանի քաղաքապետարանի
աշխատակազմի ճարտարապետության և քաղաքաշինության վարչության կողմից
21.08.2026թ. տրված մասնագիտական եզրակացությունը, հաշվի առնելով
«Սեյսմաէքսպերտ» ՍՊԸ-ի կողմից 07.08.2026թ. տրված տեխնիկական դրական
եզրակացությունը, ինքնակամ կառույցների արտաքին չափերի վերաբերյալ «Ավագյան
Սոֆիա» ԱՁ-ի կողմից 09.06.2026թ. տրված եզրակացությունը, ինչպես նաև կառույցն
իրականացրած անձի դիմումները (21.11.2022թ. հ.Դ-108669-22, 10.06.2026թ. հ.Դ-59764-26,
11.08.2026թ. հ.Դ-84588-26).

1. Երևան, Նոր Նորք, Հ.Թևոսյան փողոց, հ.115/11 հասցեում՝ սեփականություն (անշարժ
   գույքի նկատմամբ իրավունքների պետական գրանցման հ.30112022-01-0033 վկայական, ՀՀ
   կադաստրի կոմիտեում հաշվառման տվյալների մուտքագրման ծածկագիր հ.2026RYFE3N)
   հանդիսացող հողամասում քաղաքացի Հակոբ Մկրտիչի Թութունջյանի կողմից ինքնակամ
   իրականացված 721,2 քառ.մետր ընդհանուր մակերեսով կառույցը (արտադրական
   /կիսակառույց պահակատուն/) ճանաչել օրինական։

2. Ընդունել ի գիտություն, որ.

   1. կառույցի պահպանումը չի խախտում այլ անձանց իրավունքները և օրենքով
      պահպանվող շահերը կամ վտանգ չի սպառնում քաղաքացիների կյանքին ու առողջությանը.
   2. շինությունը կառուցված չէ ինժեներատրանսպորտային օբյեկտների օտարման կամ
      անվտանգության գոտիներում, կամ կառուցված չէ քաղաքաշինական նորմերի ու կանոնների
      էական խախտումներով և չի առաջացնում հարկադիր սերվիտուտ պահանջելու իրավունք։

3. Սահմանել, որ հողամասի սեփականատերը.

1. սույն որոշման ընդունման օրվանից 60-օրյա ժամկետում, Երևան քաղաքի բյուջեի N900015211247 հաշվին պետք է վճարի Հայաստանի Հանրապետության կառավարության 2006 թվականի մայիսի 18–ի հ.912-Ն որոշմամբ հաշվարկված 3468251 (երեք միլիոն չորս հարյուր վաթսունութ հազար երկու հարյուր հիսունմեկ) Հայաստանի Հանրապետության դրամ օրինականացման վճարը.
2. իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը.
3. սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում սույն որոշումը համարվում է ուժը կորցրած։
4. սույն որոշման 1-ին կետով օրինականացվող կիսակառույց շինությունը ավարտին հասցնելու նպատակով ճարտարապետաշինարարական նախագծային փաստաթղթերի մշակման համար հիմք է հանդիսանում սույն որոշմանը կից նախագծման թույլտվությունը (ճարտարապետահատակագծային առաջադրանքը)։

4. Սույն որոշումը ՀՀ օրենսդրությամբ սահմանված կարգով ենթակա է պետական գրանցման։
5. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան` դրա ուժի մեջ մտնելու օրվանից երկամսյա ժամկետում:
6. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության վարչության պետի վրա։
   7.Որոշման կատարման հսկողությունը դնել Երևանի քաղաքապետարանի աշխատակազմի քարտուղարի վրա:
   ՏԻԳՐԱՆ ԱՎԻՆՅԱՆ