Քաղաքապետարանի փաստաթղթեր

Երևանի քաղաքապետարանը տեղեկացնում է, որ «Մեկ պատուհան» ծրագրի շրջանակներում աշխատանքային օրերին, ժամը 9:00-ից մինչև 18:00 գործում է «Թեժ գիծ»։ Քաղաքացիները կարող են զանգահարել 514-152 և 514-187 հեռախոսահամարներով՝ հաղորդելու իրենց գրությունների և դիմումների կատարման ժամկետների խախտումների, ինչպես նաև այլ թերությունների մասին։

Երևանի քաղաքապետարանի աշխատակազմը հայտարարում է լրագրողների հավատարմագրում՝ քաղաքապետարանի գործունեությունը լուսաբանելու համար։ Հավատարմագրումն իրականացվում է 2009 թվականի հուլիսի 7-ից մինչև հուլիսի 31-ը։ Լրագրողները պետք է ներկայացնեն գրավոր դիմում՝ նշելով անհրաժեշտ տեղեկություններ իրենց և իրենց լրատվական միջոցի մասին։