Քաղաքապետարանի փաստաթղթեր

Հարգելի երևանցիներ, Երևանի քաղաքապետարանը տեղեկացնում է, որ մայրաքաղաքի մի շարք փողոցներում ընթացող հիմնանորոգման աշխատանքների հետևանքով ժամանակավոր անհարմարություններ են առաջանում ինչպես տրանսպորտի երթևեկության, այնպես էլ հետիոտների համար։ Պատճառած ժամանակավոր անհարմարությունների համար հայցում ենք ձեր ներողամտությունը։

Հայտարարություն Երևանը գրքի համաշխարհային մայրաքաղաք հռչակելու առիթով կազմակերպված միջոցառումների անցկացմամբ պայմանավորված՝ ապրիլի 22-ին որոշակի ժամանակահատվածներով կդադարեցվի տրանսպորտային միջոցների երթևեկությունը մայրաքաղաքի հետևյալ հատվածներում։

Ծիծեռնակաբերդի խճուղու վերակառուցման 2-րդ փուլի շինարարական աշխատանքների կապակցությամբ 2011թ. հուլիսի 21-ից մինչև օգոստոսի 30-ը փակվելու է տրանսպորտային երթևեկությունը նշված խճուղով: Այդ ժամանակահատվածում մի շարք ավտոբուսային և միկրոավտոբուսային երթուղիներ կգործեն շրջանցիկ ճանապարհներով:

Հունիսի 4-ին Ֆրանսիայի հրապարակում տեղադրված հեռուստաէկրանով ցուցադրվելու է Հայաստանի և Ռուսաստանի ֆուտբոլի հավաքականների միջև կայանալիք հանդիպումը։ Խաղը դիտելու և հանդիսատեսների անվտանգությունն ապահովելու նպատակով ժամը 19:30-ից մինչև 22:00-ն կդադարեցվի տրանսպորտային միջոցների երթևեկությունը Մաշտոցի պողոտայի և Սայաթ-Նովայի պողոտայի որոշ հատվածներում։

2010 թվականի դեկտեմբերի 31-ին մինչև 2011 թվականի հունվարի 1-ը Երևանի մետրոպոլիտենը և ներքաղաքային ուղևորատար տրանսպորտը կգործեն մինչև ժամը 01:00-ը։ Հունվարի 1-ից 9-ը տրանսպորտը կաշխատի մինչև ժամը 24:00-ը։ Հունվարի 10-ից տրանսպորտը կվերադառնա սովորական գրաֆիկին։

Հունիսի 22-ից կդադարեցվի տրանսպորտային միջոցների երթևեկությունը Ծիծեռնակաբերդի խճուղում՝ վերակառուցման աշխատանքներով պայմանավորված։ Կսահմանվեն ժամանակավոր ուղեգծեր որոշ ավտոբուսային և միկրոավտոբուսային երթուղիների համար։ Մինչև շինարարական աշխատանքների ավարտը, երթուղիները կշահագործվեն Մաշտոցի պողոտայից դեպի Ծովակալ Իսակովի պողոտա՝ նշված փողոցներով և կամրջով։

Երևանի քաղաքապետարանը տեղեկացնում է, որ 2009թ. օգոստոսի 16-ին, ժամը 09:00-ից մինչև 18:00-ն, ընթացող շինարարական աշխատանքներով պայմանավորված` կդադարեցվի երթևեկությունը Այգեստան և Սարի թաղ փողոցների` Արմենակյան փողոցից մինչև Գլինկայի փողոց ճանապարհահատվածը: Պատճառած ժամանակավոր անհանգստության համար Երևանի քաղաքապետարանը հայցում է քաղաքացիների ներողամտությունը: