Քաղաքապետարանի փաստաթղթեր

Երևանի քաղաքապետարանը շարունակում է լրագրողների հավատարմագրումը՝ Երևանի քաղաքապետարանի և Երևան քաղաքի ավագանու գործունեությունը լուսաբանելու համար։ Հավատարմագրվելու համար անհրաժեշտ է ներկայացնել գրավոր դիմում՝ նշելով լրատվական գործունեություն իրականացնողի և լրագրողի տվյալները, ինչպես նաև կցել լուսանկար։ Հավատարմագրումն իրականացվում է մեկ տարի ժամկետով։

Երևանի քաղաքապետարանը և ՀՀ ֆինանսների նախարարությունը դիմել են բանկին՝ Երևանի մետրոյի ներդրումային ծրագրի ֆինանսավորման խնդրանքով։ Մետրոյի ամբողջ համակարգն ունի բարեկարգման կարիք։ Ներկա ծրագիրն ապահովում է ընդհանուր ներդրումային ծրագրի երկու փուլերից մեկը։ Առաջին փուլը պետք է ընդգրկի Առաջնահերթ ներդրումային ծրագիրը (ԱՆԾ), այն է՝ շարժակազմի վերանորոգում, մաշված ուղեգծի և էլեկտրամատակարարման բաղկացուցիչ որոշ մասերի վերանորոգում, տեխնիկական գնացքի ձեռք բերում և պոմպային կայանների վերափոխում։ Երկրորդ փուլը կներառի ուղեգծի բարելավումը և մետրոյի թունելներում ջրի ներհոսքի հիմնախնդիրների կարգավորումը։