Քաղաքապետարանի փաստաթղթեր

Սեպտեմբերի 21-ին՝ Անկախության օրվա առթիվ ՀՀ պաշտպանության նախարարությունը Երևանի Հանրապետության և Ազատության հրապարակներում կանցկացնի ԶՈՒ զինվորական նվագախմբերի տոնական քայլերթ և պատվո պահակային վաշտի զինծառայողների ցուցադրական ելույթներ։ Միջոցառման ընթացքում որոշ փողոցներ կփակվեն։

«Արմ մարաթոն» մարզակրթական հիմնադրամը Երևանի քաղաքապետարանի սպորտի և երիտասարդության հարցերի վարչության հետ համատեղ հոկտեմբերի 4-5-ը կանցկացնի «Երևանի մարաթոն» ամենամյա վազքի մրցույթը։ Երևանի կենտրոնական փողոցներում երթևեկությունը ժամանակավորապես կդադարեցվի մրցույթի ընթացքում։ Մասնավորապես, հոկտեմբերի 4-ին կանցկացվեն 1 կմ և 5 կմ վազքեր, իսկ հոկտեմբերի 5-ին՝ 42.2 կմ, 21.1 կմ և 12 կմ վազքեր։

Հանրային ծանուցում՝ Մյասնիկյան պողոտայի և Սարալանջի պողոտայի խաչմերուկում կամրջային հատվածի վերանորոգման աշխատանքներով պայմանավորված՝ փակվել է Մյասնիկյան պողոտայից դեպի Ազատության պողոտա տանող ճանապարհի երկրորդ երթևեկելի գոտին։ Փակումը կգործի մինչև 2025 թվականի օգոստոսի 23-ը, ժամը 10:00-ն։

Երևանի քաղաքապետարանը տեղեկացնում է, որ ճանապարհաշինարարական աշխատանքների պատճառով օգոստոսի 11-ից, ժամը 23:00-ից մինչև 08:00-ն, Վաղարշյան փողոցի «Դավթաշեն» կամրջից դեպի Վաղարշյան-Ավետիսյան խաչմերուկ ճանապարհահատվածը փակ կլինի։ Երթևեկությունը կիրականացվի հանդիպակաց ուղղության մեկ գոտու հաշվին։ Քաղաքացիներին խնդրում են չկայանել մեքենաները նշված հատվածում։

Դավիթ Բեկի փողոցի թիվ 7/5 հասցեում Ողջաբերդի ջրանցքի հիմնանորոգման աշխատանքներով պայմանավորված՝ 2025 թվականի օգոստոսի 13-ից, ժամը 08:00-ից, կփակվի Դավիթ Բեկի փողոցի՝ Ռոստովյան փողոցի խաչմերուկից դեպի Նուբարաշեն փողոցի խաչմերուկ ընկած հատվածը։ Երթևեկությունը կիրականացվի հանդիպակաց ուղղության մեկ երթևեկելի գոտու հաշվին։ Վարորդներին կոչ են անում պահպանել երթևեկության կանոնները։

2025 թվականի օգոստոսի 5-ին, ժամը 06:30-ից մինչև 08:00-ն, երթևեկության համար փակ կլինի Մ. Մաշտոցի պողոտա – Խորենացու փողոց – Ս. Շահումյանի անվան հրապարակ ընկած ճանապարհահատվածը։ Սա պայմանավորված է ՀՀ սփյուռքի գլխավոր հանձնակատարի գրասենյակի կողմից Գաբրիել Սունդուկյանի անվան ազգային ակադեմիական թատրոնում և հարակից Անգլիական այգում կազմակերպվող Ազգային երիտասարդական համաժողովով, որը մեկնարկելու է վազքարշավով։

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հուլիսի 23-ից կկատարվի երթևեկության կազմակերպման փոփոխություն: Մասնավորապես՝ Պարոնյան փողոցում՝ Պարոնյան – Ձորագյուղ փողոցների խաչմերուկից մինչև Պարոնյան – Լեոյի փողոցների խաչմերուկ, ինչպես նաև Աբովյան փողոցում՝ Աբովյան փողոց – Հյուսիսային պողոտա խաչմերուկից մինչև Հանրապետության հրապարակ՝ ուղղության աջ կողմում և Աբովյան և Բուզանդի փողոցների խաչմերուկից մինչև Հանրապետության հրապարակ ուղղության ձախ կողմում կարգելվի մեքենաների կանգառը.

Հուլիսի 18-ին Շառլ Ազնավուրի հրապարակում տեղի կունենա Շառլ Ազնավուրի արձանի բացման արարողություն։ Արարողության ընթացքում՝ ժամը 10:00-ից մինչև 12:00-ն, կփակվի Աբովյան-Թումանյան փողոցների խաչմերուկից մինչև Աբովյան-Պուշկինի փողոցների խաչմերուկ ընկած հատվածը։

Հուլիսի 13-ին՝ ժամը 17:00-ից մինչև 23:00-ն, Վարդանանց փողոցից մինչև Հանրապետության փողոց ընկած հատվածը ժամանակավորապես կփակվի՝ «Ոսկե Ծիրան» Երևանի միջազգային կինոփառատոնի բացման արարողությունն անխափան կազմակերպելու նպատակով։

«Prepa» ընկերության կողմից նախաձեռնվող «PREPA RUN» մարաթոնի ընթացքում, հուլիսի 13-ին՝ ժամը 07:30-ից մինչև 12:30-ը, կանցկացվի վազք «Երևան» մոլից մինչև «Կասկադ»՝ մոտ 5 կմ երկարությամբ։ Վազքի ընթացքում փակ կլինեն «Երևան» մոլի բացօթյա կայանատեղի, Արշակունյաց պողոտայի, Խանջյան, Թումանյան, Սարյան, Մոսկովյան և Թամանյան փողոցների որոշ հատվածներ։ Փողոցները կբացվեն մասնակիցների անցնելուց անմիջապես հետո՝ երթևեկության անհարմարություններից խուսափելու համար։

Հուլիսի 4-ին և 5-ին Երևանում անցկացվող "TRICOLOR" Yerevan Night Run վազքերի ընթացքում քաղաքի մի շարք հատվածներում կդադարեցվի երթևեկությունը: Նախաձեռնությունը նվիրված է ՀՀ պետական խորհրդանշանների և ՀՀ Սահմանադրության օրվան։ Մասնավորապես փակ կլինեն. 1. Հուլիսի 4-ին՝ ժամը 21:00-ից կդադարեցվի «Մարիոթ-Արմենիա» հյուրանոցի հատվածից Վազգեն Սարգսյան փողոց հատվածի երթևեկությունը, որտեղից էլ տրվելու է վազքի մեկնարկը: Ժամը 21:50-ից կդադարեցվի Հանրապետության հրապարակում, Հանրապետության հրապարակից Նալբանդյան փողոցում մինչև Նալբանդյան-Թումանյան փողոցների խաչմերուկ, Թումանյան փողոցի՝ Թումանյան-Նալբանդյան փողոցների խաչմերուկից մինչև Թումանյան-Աբովյան փողոցների խաչմերուկ, Պուշկինի փողոցից Աբովյան փողոց, Աբովյան փողոցի՝ Աբովյան-Թումանյան փողոցների խաչմերուկից մինչև Հանրապետության Հրապարակ հատվածների երթևեկությունը: Վերը նշված երթուղով վազքը կավարտվի ժամը 23:45-ին: 2. Հուլիսի 5-ին՝ ժամը 09:00-ից կդադարեցվի «Մարիոթ-Արմենիա» հյուրանոցի հատվածից Վազգեն Սարգսյան փողոց հատվածի երթևեկությունը, որտեղից էլ տրվելու է վազքի մեկնարկը: Ժամը 10:00-ից մասնակիորեն կդադարեցվի Հանրապետության հրապարակի և ամբողջությամբ Վազգեն Սարգսյան փողոցի երթևեկությունը: Վերը նշված երթուղով վազքը կավարտվի ժամը 11:30-ին:

Հունիսի 27-ին, ժամը 18:30-ից մինչև 21:00-ն, Իսահակյան-Թամանյան փողոցների խաչմերուկը կփակվի երթևեկության համար՝ ազգային պարերի ուսուցման միջոցառում կազմակերպելու նպատակով։

Մայրաքաղաքում իրականացվող ծառերի փոխարինման աշխատանքների պատճառով 2025 թվականի մարտի 20-ին, ժամը 10:00-ից 13:00-ն, փակ կլինի Թումանյան փողոցից դեպի Աբովյան և Նալբանդյան փողոցներ տանող ճանապարհահատվածը: Տեղեկատվությունը նախատեսված է վարորդների համար՝ երթևեկությունը պլանավորելու նպատակով:

2025 թվականի հունվարի 25-ին՝ ժամը 24:00-ից մինչև հունվարի 26-ը՝ ժամը 06:00-ն, Հաղթանակ կամրջի երթևեկությունը ժամանակավորապես կդադարեցվի՝ ամանորյա տոնական ձևավորման ապամոնտաժման աշխատանքներով պայմանավորված: Հայցվում է բնակիչների ներողամտությունը պատճառված ժամանակավոր անհարմարության համար:

2025 թվականի հունվարի 23-ին՝ ժամը 24:00-ից մինչև հունվարի 24-ը՝ ժամը 06:00-ն, Մաշտոցի պողոտայի երթևեկությունը կդադարեցվի՝ ամանորյա տոնական ձևավորման ապամոնտաժման աշխատանքներով պայմանավորված։ Անհարմարության համար հայցվում է բնակիչների ներողամտությունը։

Հունվարի 22-ին՝ ժամը 24.00-ից մինչև հունվարի 23-ը՝ ժամը 06.00-ն, Մաշտոցի պողոտայի՝ Մատենադարանից մինչև Ազատության հրապարակ ընկած հատվածում կդադարեցվի երթևեկությունը՝ ամանորյա տոնական ձևավորման ապամոնտաժման աշխատանքներով պայմանավորված։ Հայցվում է բնակիչների ներողամտությունը պատճառված անհարմարության համար։

Դեկտեմբերի 4-ի ժամը 20:00-ից մինչև դեկտեմբերի 9-ի ժամը 07:00-ն ժամանակավորապես կդադարեցվի Հանրապետության հրապարակի՝ Նալբանդյան և Աբովյան փողոցների միջև ընկած ճանապարհահատվածի երթևեկությունը՝ Երևանում ամանորյա տոնական ձևավորման աշխատանքներով պայմանավորված։