Քաղաքապետարանի փաստաթղթեր

Երևանի քաղաքապետարանը հայտարարում է Ամանորի և Սուրբծննդյան տոների ընթացքում կերպավորված անձանց` Ձմեռ պապի, Ձյունանուշի, մուլտհերոսների և այլ կերպարների գործունեության հավաստագրում: Ցանկացողները կարող են նախապես հերթագրվել կերպարի համապատասխանության դիտումներին:

Հրավիրում ենք ԶԼՄ ներկայացուցիչներին «YEREVAN FASHION WEEK» 2024-ի մամլո ասուլիսին, որը տեղի կունենա նոյեմբերի 1-ին՝ ժամը 12:15-ին, «Ramada» հյուրանոցի կոնֆերանսների դահլիճում: Միջոցառմանը կներկայացվի «YEREVAN FASHION WEEK» 2024-ի ամբողջական օրակարգը և միջոցառումները: Կներկայացվեն բանախոսների կազմը, այդ թվում՝ Հայաստանի Նորաձևության և հագուստի պալատ ՀԿ-ի նախագահը, Մ.Թ դեսպանը Հայաստանում, Գերմանական միջազգային համագործակցության ընկերության հայաստանյան գրասենյակի ղեկավարը, Երևանի քաղաքապետարանի տուրիզմի բաժնի պետը և այլք: Հարցերի դեպքում կարող եք զանգահարել (+374 95) 522 686 հեռախոսահամարով:

«Սեղանի թենիսի Երևան քաղաքի առաջնություն՝ լրագրողների միջև» մրցաշարը կանցկացվի նոյեմբերի 2-ին Երևանի քաղաքապետարանում: Մրցաշարին կարող են մասնակցել հայաստանյան բոլոր լրատվամիջոցների ներկայացուցիչները, որոնք առնվազն երկու ամիս առաջ են գրանցվել տվյալ լրատվամիջոցում: Հայտերը պետք է ուղարկել մինչև հոկտեմբերի 30-ը՝ լրատվամիջոցի ձևաթղթով, ղեկավարի կողմից ստորագրված և կնքված:

Երևանի քաղաքապետարանի աշխատակազմի սպորտի և երիտասարդության հարցերի վարչությունը հայտեր է ընդունում Երևան համայնքի լավագույն կամավորների պարգևատրման միջոցառմանը մասնակցելու համար։ Միջոցառումը նվիրված է Կամավորների միջազգային օրվան և կազմակերպվում է Երևանում երիտասարդների շրջանում կամավորական աշխատանքի խրախուսման և համայնքում կամավորական մշակույթի խթանման նպատակով։ Հայտերն ընդունվում են մինչև 2024 թվականի նոյեմբերի 15-ը։

Երևանի քաղաքապետարանը հայտեր է ընդունում Երևան համայնքի լավագույն կամավորների պարգևատրման միջոցառմանը մասնակցելու համար։ Միջոցառումը նվիրված է Կամավորների միջազգային օրվան և կազմակերպվում է կամավորական աշխատանքի խրախուսման նպատակով։ Հայտերը պետք է ներկայացվեն մինչև 2021 թվականի նոյեմբերի 15-ը։

«Երևանտրանս» ՓԲԸ-ն կազմակերպում է շարժական գույքի դասական աճուրդ։ Աճուրդին մասնակցել ցանկացողները պետք է ներկայացնեն անձնագիր կամ լիազորագիր և հիմնադիր փաստաթղթերի պատճեններ, ինչպես նաև մինչև 2021 թվականի մարտի 5-ը՝ ժամը 17:00-ն, աճուրդի նախավճարի մուծման անդորրագիրը։

Սեպտեմբերի 4-ից 15-ը Երևանում կանցկացվեն միջոցառումներ՝ նվիրված Մոսկվայի 872-ամյակին։ Միջոցառումները տեղի կունենան Հյուսիսային պողոտայում, Շարլ Ազնավուրի անվան հրապարակում, Ռուսաստանի գիտության և մշակույթի կենտրոնում, Ավ. Իսահակյանի անվան կենտրոնական գրադարանում, Հայաստանի նկարիչների միությունում, Ռուսական արվեստի թանգարանում, «Դոմ Մոսկվի» կենտրոնում և Հենրիկ Իգիթյանի անվան գեղագիտության ազգային կենտրոնում։ Ծրագրում ընդգրկված են համերգներ, ցուցահանդեսներ, ֆիլմերի ցուցադրություններ, վարպետաց դասեր, շախմատի մրցաշար և այլ միջոցառումներ։

Երևանի քաղաքապետ Հայկ Մարությանը քաղաքացիների ընդունելություն կանցկացնի 2019 թվականի մայիսի 31-ին՝ ժամը 10:00-ից։ Գրանցվելու համար զանգահարել (011) 51-42-72 հեռախոսահամարով մինչև մայիսի 29-ի ժամը 18:00-ն։ Քաղաքապետի մոտ չընդունված քաղաքացիներին կընդունեն քաղաքապետի տեղակալները հաջորդ օրերին։

Հոկտեմբերի 17-ին, ժամը 14:00-ին, Երևանի պատմության թանգարանում տեղի կունենա մամուլի ասուլիս, որտեղ կներկայացվեն հոկտեմբերի 21-ին մայրաքաղաքում անցկացվելիք մարաթոնի մանրամասները։ Միջոցառմանը կմասնակցեն Երևանի քաղաքապետարանի, «Արմ Մարաթոն» հիմնադրամի և «Կոկա-Կոլա Հելլենիք Արմենիա» ընկերության ներկայացուցիչներ։

Օգոստոսի 12-ին, ժամը 19:00-ից 23:00-ն, Ազատության հրապարակում կանցկացվի «Երիտասարդ Երևան» ակումբային դիջեյների մրցույթ-փառատոն և դիսկոտեկ՝ նվիրված Երիտասարդների միջազգային օրվան։ Հրավիրվում են բոլորը մասնակցելու։

Օգոստոսի 4-ին, ժամը 18:00-ին Հյուսիսային պողոտայում կանցկացվի «Երևան ՏԱՐԱԶֆեստ» 4-րդ փառատոնը՝ «Երևանյան ամառ 2018» ծրագրի շրջանակում։ Փառատոնը բաղկացած կլինի երկու մասից՝ ցուցահանդես-տոնավաճառ և դիզայներների կողմից հավաքածուների ներկայացում։ Հրավիրվում են բոլորը մասնակցելու։

Հունիսի 21-ին, ժամը 19:00-ին, Երևանի Առնո Բաբաջանյանի համերգասրահում տեղի կունենա «Հնչում է Երևանը» երաժշտական և արվեստի դպրոցների 11-րդ փառատոնի եզրափակիչ համերգը։ Միջոցառման ընթացքում կամփոփվեն մրցույթ-փառատոնի արդյունքները, և լավագույն կատարողները կպարգևատրվեն պատվոգրերով։ «Հնչում է Երևանը» փառատոնն անցկացվում է 2007 թվականից և ընդգրկված է քաղաքապետարանի «Երևանյան ամառ» ծրագրում։

Հունիսի 22-ին, ժամը 22:00-ին, Երևանի Կարապի լճի մոտ կմեկնարկի «Ֆրեսկո» ժամանակակից արվեստի և հոգևոր ֆիլմերի 5-րդ միջազգային փառատոնը։ Ծրագրի շրջանակում կցուցադրվեն 13 երկրներից ընտրված 28 ֆիլմ, կկայանան կինոռեժիսորների հետ հանդիպումներ, ֆիլմերի դիտում-քննարկումներ, համերգային ծրագրեր և վարպետության դասեր։ Փառատոնն ունի 7 անվանակարգ՝ նվիրված հավատին, հույսին, սերին, խաղաղությանը, քաջությանը, մարդասիրությանը և հայրենասիրությանը։ Հրավիրվում են բոլորը մասնակցելու բացման արարողությանը։

«Համով-հոտով Երևան» հայկական խոհանոցի 4-րդ փառատոնը կանցկացվի 2018 թվականի հունիսի 10-ին՝ ժամը 17:00-21:00-ն, «Հանրապետության հրապարակ» մետրոյի կայարանի հարևանությամբ գտնվող այգում։ Փառատոնը կազմակերպվում է Երևանի քաղաքապետարանի և «Հայ խոհարարական ավանդույթների զարգացման ավանդույթների պահպանման» ՀԿ-ի կողմից՝ «Երևանյան ամառ 2018» ծրագրի շրջանակներում։ Այցելուները հնարավորություն կունենան համտեսել հայկական ավանդական ուտեստներ՝ ներկայացված տարբեր ռեստորանների և 13 տաղավարների կողմից։

Հունիսի 2-ին՝ ժամը 11:00-ին, Արաբկիր վարչական շրջանի Կասյան փողոցի հարակից տարածքում կվերաբացվի գյուղատնտեսական մթերքների սեզոնային տոնավաճառը: Տոնավաճառում ՀՀ մարզերից ժամանած գյուղացիները կկարողանան վաճառել իրենց արտադրանքը: Ծրագիրն իրականացվում է Երևանի քաղաքապետարանի և ՀՀ գյուղատնտեսության նախարարության համագործակցությամբ:

Մայիսի 25-ին, ժամը 17:00-ին, «Հայ-Արտ» մշակութային կենտրոնում կբացվի ռուս գեղանկարիչ Ալեքսեյ Խվոստովի ցուցահանդեսը՝ նվիրված Երևանի հիմնադրման 2800-ամյակին։ Ցուցահանդեսը կգործի մինչև մայիսի 30-ը։

Երևանի քաղաքապետարանը հրավիրում է շրջանավարտներին մայիսի 25-ին՝ ժամը 19:00-ին, Ազատության հրապարակ՝ մասնակցելու «Վերջին զանգին» նվիրված տոնական համերգային ծրագրին։ Համերգին ելույթ կունենան հայկական էստրադայի սիրված երգիչները։