Քաղաքապետարանի փաստաթղթեր

Երթևեկության կազմակերպման փոփոխություն՝ Արգիշտիի և Իտալիայի փողոցներում

Հուլիսի 3-ից Արգիշտիի փողոցում կփոփոխվի երթևեկության կազմակերպումը դեպի «Հաղթանակի» կամուրջ տանող ուղղությամբ՝ թույլատրվելով երթևեկություն «ուղիղ և աջ», «ուղիղ և ձախ» ուղղություններով։ Իտալիայի փողոցում կարգելվի մեքենաների կանգառը երթևեկելի մասի աջ կողմում։ Փոփոխությունները կատարվում են տրանսպորտային հոսքերի անցանելիությունն ավելացնելու նպատակով։

Երթևեկության կազմակերպման փոփոխություն է նախատեսվում

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հուլիսի 1-ից կկատարվի երթևեկության կազմակերպման փոփոխություն: Մասնավորապես՝ «Էրեբունի պլազա»-ին հարակից՝ Հանրապետության հրապարակից դեպի Մհեր Մկրտչյան փողոց ուղղությամբ երթևեկությունը կկազմակերպվի միակողմ: Միաժամանակ Մհեր Մկրտչյան փողոցի վերջնամասում՝ Տիգրան Մեծ պողոտային հարող ճանապարհահատվածում երթևեկությունը նախկին երկու երթևեկելի ուղղության փոխարեն կկազմակերպվի միակողմ:

Երթևեկության կազմակերպման փոփոխություն` Սուրբ Գրիգոր Լուսավորչի փողոցում

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հունիսի 24-ից երթևեկության կազմակերպման փոփոխություն կկատարվի Սուրբ Գրիգոր Լուսավորչի փողոցում: Մասնավորապես՝ Սուրբ Գրիգոր Լուսավորչի – Արգիշտիի փողոցների խաչմերուկում կարգելվի ձախ շրջադարձը Սուրբ Գրիգոր Լուսավորչի փողոցից դեպի Արգիշտիի փողոց: Բեյրութիի փողոցից դեպի Արգիշտիի փողոց առաջին երթևեկելի գոտուց՝ նախկին թույլատրված «ուղիղ և աջ» երթևեկության փոխարեն երթևեկությունը կթույլատրվի «միայն աջ» ուղղությունով, դեպի Սուրբ Գրիգոր Լուսավորչի փողոց ուղղությամբ:

Հունիսի 19-ից կկատարվեն լուսացուցային օբյեկտների աշխատանքային ռեժիմների փոփոխություններ Արշակունյաց պողոտա – Ագաթանգեղոսի և Սուրբ Գրիգոր Լուսավորչի փողոցների, Սուրբ Գրիգոր Լուսավորիչ – Արգիշտիի փողոցների, Սուրբ Գրիգոր Լուսավորչի փողոց – Մաշտոցի պողոտա, Պարոնյան և Լեոյի փողոցների խաչմերուկներում՝ մայրաքաղաքում տրանսպորտային հոսքերի անցանելիությունն ավելացնելու նպատակով։ Քաղաքացիներին խնդրում են պահպանել երթևեկության կանոնները և ուշադրություն դարձնել լուսացույցների ազդանշաններին։

Հունիսի 20-ից կկատարվի երթևեկության կազմակերպման փոփոխություն Մաշտոցի պողոտայում, Խորենացու, Բեյրութի և Իտալիայի փողոցներում՝ հասարակական տրանսպորտի շարժակազմերի հաճախականության անընդհատությունը ապահովելու նպատակով: Փոփոխությունները ներառում են երթուղիների փոփոխություն, մի շարք խաչմերուկներում երթևեկության կազմակերպման փոփոխություններ, մասնավորապես՝ հասարակական տրանսպորտի համար առանձնացված գոտիների ստեղծում և այլ մեքենաների մուտքի ու կանգառի սահմանափակումներ: Այս փոփոխությունները կանդրադառնան մի շարք ավտոբուսային և միկրոավտոբուսային երթուղիների վրա:

Հունիսի 17-ից Արգիշտիի փողոցում կփոփոխվի երթևեկության կազմակերպումը՝ հասարակական տրանսպորտի համար լրացուցիչ երթևեկելի գոտիներ առանձնացնելու նպատակով։ Մասնավորապես, Երևանի քաղաքապետարանին հարող հատվածում միջին գոտին կդառնա հասարակական տրանսպորտի համար, իսկ երրորդ գոտին՝ հետադարձի համար։ «Նոյ» գործարանի և «Վիվասել Արմենիա» ՓԲԸ գրասենյակին հարող հատվածում երթևեկությունը դեպի «Հաղթանակի» կամուրջ կկազմակերպվի երկու գոտիով, որոնցից մեկը կլինի հասարակական տրանսպորտի համար՝ ձախ շրջադարձով դեպի Ոսկերիչների փողոց։ Հակառակ ուղղությամբ երթևեկությունը կկազմակերպվի երեք գոտիով, որոնցից մեկը կլինի հասարակական տրանսպորտի համար և կունենա կանգառ։ «Երևան» պլազային հարող հատվածում ձախ եզրային գոտին կառանձնացվի հասարակական տրանսպորտի համար։ Խորհրդարանի փողոցից մուտքը կթույլատրվի միայն Արգիշտիի փողոցի առաջին երթևեկելի գոտի։

Հունիսի 14-ից Տեր-Գրիգորյան փողոցում երթևեկությունը կդառնա միակողմ՝ Վազգեն Սարգսյան փողոցից դեպի Զաքյան փողոց ուղղությամբ՝ տրանսպորտային հոսքերի անցանելիությունն ավելացնելու նպատակով։

Հարգելի քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հունիսի 11-ից երթևեկության կազմակերպման փոփոխություն կկատարվի Սուրբ Գրիգոր Լուսավորչի փողոցում: Մասնավորապես՝ Սուրբ Գրիգոր Լուսավորիչ – Արգիշտի փողոցների խաչմերուկում՝ Արշակունյաց պողոտա - Սուրբ Գրիգոր Լուսավորիչ - Ագաթանգեղոս փողոցների խաչմերուկից եկող ուղղությամբ դեպի Արգիշտի փողոց ձախ շրջադարձը թույլատրված երկու երթևեկելի գոտիների փոխարեն կկազմակերպվի մեկ գոտուց: Սուրբ Գրիգոր Լուսավորչի փողոց – Մաշտոցի պողոտա խաչմերուկում՝ դեպի «Հաղթանակի» կամուրջ ուղղությամբ ձախ շրջադարձ կատարող մեքենաներին մեկ երթևեկելի գոտու փոխարեն կթույլատրվի ձախ շրջադարձ կատարել երկու երթևեկելի գոտուց: Ինչպես նաև Սուրբ Գրիգոր Լուսավորչի փողոց – Մաշտոցի պողոտա խաչմերուկից դեպի «Հաղթանակի» կամուրջ ուղղությամբ կարգելվի մեքենաների կանգառը.

Հունիսի 4-ից Ամիրյան փողոցում և Մաշտոցի պողոտայում կփոփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Մասնավորապես, Ամիրյան փողոցի 15/2 հասցեի մոտ արգելվելու է կանգառը, ինչպես նաև Մաշտոցի պողոտայում՝ Պարոնյան փողոցի փակուղուց մինչև Սրբ. Գրիգոր Լուսավորչի փողոցի խաչմերուկ։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 28-ից երթևեկության կազմակերպման փոփոխություն կկատարվի Ֆուչիկի և Մարգարյան փողոցների խաչմերուկում: Մասնավորապես՝ Մարգարյան փողոցում՝ Բաշինջաղյան փողոցից եկող ուղղությամբ կարգելվի հետադարձը:

Մայրաքաղաքում տրանսպորտային հոսքերի անցանելիությունն ավելացնելու նպատակով 2025 թվականի մայիսի 19-ից կկատարվի երթևեկության կազմակերպման փոփոխություն Մաշտոցի պողոտա – Խորենացի փողոց խաչմերուկում: Մասնավորապես՝ լուսացուցային կարգավորման եռաֆազ ռեժիմը կփոխարինվի երկֆազով, որից հետո Մաշտոցի պողոտայով երթևեկող հոսքերի երկու ուղղությունները կաշխատեն միաժամանակ:

Մայրաքաղաքում տրանսպորտային հոսքերի անցանելիությունն ավելացնելու և հանրային տրանսպորտի շարժակազմերի հաճախականության անընդհատությունն ապահովելու նպատակով, 2025 թվականի մայիսի 17-ից Մոսկովյան փողոցում կառանձնացվի հանրային տրանսպորտի համար առանձնացված գոտի՝ Նալբանդյան փողոցից մինչև Աբովյան փողոց ընկած հատվածում։ Հանրային տրանսպորտի երթուղիների ուղեգծերը կփոխվեն՝ Խանջյան – Նալբանդյան – Իսահակյան- Աբովյան փողոցների փոխարեն կկազմակերպվեն Խանջյան – Մոսկովյան – Աբովյան փողոցներով։ Բացի այդ, Խանջյան – Նալբանդյան – Մոսկովյան փողոցների խաչմերուկում կարգելվեն ձախ շրջադարձերը Խանջյան փողոցից դեպի Նալբանդյան փողոց և Մոսկովյան փողոցից դեպի Նալբանդյան փողոց։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 12-ից կկատարվի երթևեկության կազմակերպման փոփոխություն: Մասնավորապես՝ Կողբացու փողոցում՝ Եղիշե Չարենցի անվան դպրոցի հարակից ճանապարհահատվածում, ուղղությունը դեպի Ամիրյան փողոց, երթևեկությունը կկազմակերպվի միակողմանի.

Հարգելի քաղաքացիներ, տեղեկացնում ենք, որ մայրաքաղաքում նախատեսվում է փորձնական փուլով կատարել նոր՝ «դեղին հոծ գիծ» գծանշումը այն վայրերում, որտեղ արգելված է կանգառը։ Այս գծանշումը կկատարվի մայթեզրին՝ համաձայն ՀՀ կառավարության որոշման։ Փորձնական կատարման համար ընտրվել է Աբովյան փողոցը՝ հասարակական տրանսպորտի համար առանձնացված գոտու ամբողջ երկայնքով։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 12-ից կկատարվի երթևեկության կազմակերպման փոփոխություն: Մասնավորապես՝ Սարյան փողոցից դեպի Մաշտոցի պողոտա ուղղությամբ, «Հայ-Արտ» մշակույթային կենտրոնի հարակից ճանապարհահատվածում կարգելվի մեքենաների կանգառը.

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 6-ից կկատարվի երթևեկության կազմակերպման փոփոխություն: Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով:

Մայիսի 1-ից կկատարվեն երթևեկության կազմակերպման փոփոխություններ՝ տրանսպորտային հոսքերի անցանելիությունն ավելացնելու նպատակով: Մասնավորապես՝ Մաշտոցի պողոտա–Պուշկին փողոց խաչմերուկից եկող ուղղությամբ երթևեկությունը կթույլատրվի «միայն ուղիղ» ուղղությունով՝ փոխարինելով նախկին «ուղիղ և ձախ» երթևեկությանը: Փոփոխությունները կիրականացվեն նաև Մաշտոցի պողոտա-Խորենացի փողոց և Մաշտոցի պողոտա-Ամիրյան փողոց խաչմերուկներում:

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. ապրիլի 23-ից կկատարվեն երթևեկության կազմակերպման փոփոխություններ. Աբովյան և Իսահակյան փողոցների խաչմերուկից դեպի Կորյուն փողոց երթևեկող մեքենաների համար Աբովյան և Կորյուն փողոցների խաչմերուկում տեղադրված աջ լրացուցիչ սեկցիան կապամոնտաժվի: Կապամոնտաժվի նաև Մաշտոցի պողոտա – Ամիրյան փողոց խաչմերուկում՝ Մաշտոցի պողոտա - Խորենացի փողոց խաչմերուկից դեպի Ամիրյան փողոց երթևեկող մեքենաների համար տեղադրված աջ լրացուցիչ սեկցիան.

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. ապրիլի 11-ից Պուշկինի փողոցում և Բաղրամյան պողոտայում կկատարվեն երթևեկության կազմակերպման փոփոխություններ: Մասնավորապես՝ արգելվելու է մեքենաների կանգառը հետևյալ ճանապարհահատվածներում: Միաժամանակ նշված ճանապարհահատվածներում կտեղադրվեն համապատասխան ճանապարհային նշաններ.

Հարգելի՛ քաղաքացիներ, Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. ապրիլի 8-ից երթևեկության կազմակերպման փոփոխություն կկատարվի Պռոշյան – Դեմիրճյան փողոցների խաչմերուկում: Մասնավորապես՝ Պռոշյան փողոցից ձախ շրջադարձը դեպի Դեմիրճյան փողոց կարգելվի: