Քաղաքապետարանի փաստաթղթեր

Համաձայն Երևանի քաղաքապետին կից գործող երիտասարդության հարցերի խորհրդի ձևավորման և գործունեության կարգի՝ Երևանի քաղաքապետարանը հրավիրում է Երևանի բնակիչներին և այլ շահագրգիռ անձանց մասնակցել խորհրդի աշխատանքներին՝ դրա կազմում ընդգրկվելու միջոցով։ Դիմումները պետք է ներկայացվեն մինչև 2013 թվականի հոկտեմբերի 4-ը ներառյալ՝ ք. Երևան, Արգիշտիի փող. 1, Երևանի քաղաքապետարանի վարչական շենք։ Ֆիզիկական անձինք պետք է ներկայացնեն անձնագրի պատճենը, իսկ իրավաբանական անձինք՝ իրավաբանական անձի գրանցման վկայականի պատճենը և, ըստ անհրաժեշտության, լիազորագիր։ Մանրամասները կարելի է պարզել Երևան քաղաքի ավագանու 2013 թվականի սեպտեմբերի 10-ի հ. 46-Ն որոշումից կամ զանգահարել (010) 514-174 հեռախոսահամարով։

Համաձայն Երևանի քաղաքապետին կից գործող խորհրդակցական մարմինների ձևավորման և գործունեության կարգի՝ ձևավորվում է համայնքի զարգացման քառամյա ծրագրի և տարեկան բյուջեի կառավարման խորհուրդը։ Երևանի քաղաքապետարանը հրավիրում է բնակիչներին և շահագրգիռ անձանց՝ մասնակցելու խորհրդի աշխատանքներին՝ դրա կազմում ընդգրկվելու միջոցով։ Դիմումները պետք է ներկայացվեն մինչև 2013 թվականի հոկտեմբերի 1-ը՝ նշված հասցեում, անհրաժեշտ փաստաթղթերի կից ներկայացմամբ։ Մանրամասները կարելի է պարզել՝ ծանոթանալով համապատասխան որոշմանը կամ զանգահարելով նշված հեռախոսահամարով։

Հայտարարություն Երևանի Ավան վարչական շրջանի կողմից հասարակական կազմակերպությունների, իրավաբանական անձանց միությունների, բազմաբնակարան շենքերի կառավարման մարմինների ներկայացուցիչներին և համապատասխան մասնագետներին՝ մասնակցելու խորհրդակցական խորհրդի աշխատանքներին՝ դրանց կազմում ընդգրկվելու միջոցով։ Դիմումները պետք է ներկայացվեն մինչև 2013 թվականի սեպտեմբերի 28-ը ներառյալ՝ ք. Երևան, Ավան, Խուդյակովի 222 հասցեով։ Մանրամասները կարելի է պարզել՝ ծանոթանալով Երևան քաղաքի ավագանու 2013 թվականի սեպտեմբերի 10-ի հ. 34-Ն որոշմանը կամ զանգահարելով նշված հեռախոսահամարներով։

Հանձնաժողովը հայտարարում է համայնքային սեփականություն համարվող հողամասերի կառուցապատման իրավունքով տրամադրման մրցույթ։ Մրցույթի հայտերի ընդունումը կլինի մինչև 2013թ. հոկտեմբերի 15-ը։ Հայտերի բացումը կկայանա 2013թ. հոկտեմբերի 18-ին ժամը 16:00-ին, իսկ ամփոփումը՝ 17:00-ին։

Երևանի քաղաքապետարանը հրավիրում է ֆիզիկական և իրավաբանական անձանց ընդգրկվելու Երևանի ներքաղաքային ուղևորափոխադրումների վարձի ձևավորման և կիրառման մեխանիզմների քննարկման, ինչպես նաև խնդրի առնչությամբ քաղաքացիական հասարակությանը հուզող հարցերի համակողմանի և լիարժեք տեղեկատվություն տրամադրելու նպատակով ստեղծվող հանձնաժողովի կազմում։ Դիմումները պետք է ներկայացնել մինչև 2013 թվականի սեպտեմբերի 19-ը, ժամը 18:00-ն։

Երևանի քաղաքապետարանը հայտարարում է նոր մրցույթ՝ Երևան քաղաքում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության համար։ Մրցույթն անցկացվելու է 2013 թվականի հոկտեմբերի 17-ին, ժամը 10:00-ին, Լենինգրադյան 16 հասցեում։ Հայտերի ընդունումը դադարեցվում է մրցույթի անցկացման օրվանից 5 աշխատանքային օր առաջ՝ 2013 թվականի հոկտեմբերի 9-ին, ժամը 18:00-ին։

Երևանի քաղաքապետարանը հայտարարում է լրացուցիչ մրցույթ՝ Երևան քաղաքում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության համար։ Մրցույթն անցկացվում է ՀՀ կառավարության 2001թ. օգոստոսի 16-ի հ.762 որոշմամբ հաստատված կարգով։ Մրցույթի մասնակցության հայտերն ընդունվում են Երևանի քաղաքապետարանի աշխատակազմի տրանսպորտի վարչությունում։

Երևանի քաղաքապետարանը հայտարարում է հանրապետական ճարտարապետական բաց մրցույթ՝ Երևան քաղաքի հրապարակների հայեցակարգային նախագծի համար։ Մրցույթի նպատակն է ընտրել լավագույն քաղաքաշինական, ճարտարապետական և դիզայներական լուծումներ՝ ուղղված հրապարակների ամբողջականացմանը, արժեվորմանը, բարենպաստ միջավայրի ստեղծմանը, արդի պահանջներին հարմարեցմանը և տրանսպորտային հոսքերի կարգավորմանը։ Մրցույթին կարող են մասնակցել անհատ ճարտարապետներ, դիզայներներ, քանդակագործներ, ստեղծագործական խմբեր և արվեստանոցներ։

Երևանի քաղաքապետարանի աշխատակազմը և վարչական շրջանների ղեկավարների աշխատակազմերը հայտարարում են մրցույթ՝ Երևան քաղաքի ենթակայության համայնքային ոչ առևտրային կազմակերպությունների գործադիր մարմինների ընտրության (նշանակման) համար։ Մրցույթն անցկացվելու է Երևանի քաղաքապետարանի շենքում (Արգիշտի 1)։ Փաստաթղթերն ընդունվում են մինչև 2013 թվականի հունիսի 14-ը։

Երևանի քաղաքապետարանը հայտարարում է լրացուցիչ մրցույթ՝ Երևան քաղաքում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության համար։ Մրցույթն անցկացվելու է օգոստոսի 14-ին, ժամը 10:00-ին, Լենինգրադյան 16 հասցեում։ Հայտերի ընդունումը դադարեցվում է մրցույթի անցկացման օրվանից 5 աշխատանքային օր առաջ (06.08.2012թ.՝ ժամը 18:00-ին)։

Երևանի քաղաքապետարանը և Ասիական զարգացման բանկը հրավիրում են հանրային խորհրդատվության՝ քաղաքային կայուն զարգացման ներդրումային ծրագրի, տրանշ 1-ի շրջանակներում իրականացվելիք հողի օտարման և տարաբնակեցման թեմայով։ Խորհրդատվության ընթացքում կներկայացվեն հողի օտարման և տարաբնակեցման գործընթացը, փոխհատուցման և վերականգնման իրավունքները։ Մասնակիցները հնարավորություն կունենան քննարկելու իրենց հուզող հարցերը։

Երևանի քաղաքապետարանը հայտարարում է հետաքրքրվածության արտահայտման հայտերի ընդունելություն՝ Քաղաքային Կայուն Զարգացման Ներդրումային Ծրագրի շրջանակներում խորհրդատվական ծառայություններ մատուցելու համար։ Ծրագիրը նպատակ ունի ամրապնդել քաղաքապետարանի ներուժը և աջակցել ծրագրի կառավարմանը։ Հայտերի ներկայացման վերջնաժամկետը 2011 թվականի սեպտեմբերի 19-ն է։

Երևանի քաղաքապետարանը հայտարարում է անվանակարգային մրցույթ՝ ՀՀ Անկախության հռչակման 20-րդ տարեդարձին ընդառաջ։ Մրցույթի նպատակն է գնահատել և խրախուսել այն կազմակերպություններին, կառույցներին ու հաստատություններին, որոնք բարեկարգել և կանաչապատել են իրենց հարակից տարածքները։ Մրցույթը կանցկացվի երկու փուլով՝ տարածքային և քաղաքային։

Երևանի քաղաքապետարանը հրավիրում է շահագրգիռ ընկերություններին, ֆինանսական հաստատություններին և կազմակերպություններին՝ համատեղ մասնակցելու քաղաքի բարեկարգման, հարմարավետ քաղաքային միջավայրի ստեղծման և սոցիալական ենթակառուցվածքների զարգացմանն ուղղված նախագծերի իրականացմանը։ Քաղաքապետարանն առաջարկում է դիտարկել ընկերությունների և գործարար-հաստատությունների գովազդային և PR-բյուջեի հնարավորությունը՝ նշված ուղղություններով։ Որպես փոխհատուցում՝ քաղաքապետարանը պատրաստ է տրամադրել արտաքին գովազդ տեղադրելու համարժեք պայմաններ։

Հայտարարվում է <<Երևան քաղաքի գլխավոր հատակագծի ճշգրտման>> տեխնիկական առաջադրանքի հասարակական քննարկման մասին։ Քննարկումը տեղի կունենա 2010 թվականի ապրիլի 13-ին, ժամը 16:00-ին Երևանի քաղաքապետարանի շենքում։ Մանրամասները կարելի է ծանոթանալ աշխատանքային օրերին ժամը 10:00-ից 18:00-ը Փ. Բուզանդի փողոցի 1/3 հասցեում, 5-րդ հարկում, Մովսես Հովսեփյանի մոտ։