Քաղաքապետարանի փաստաթղթեր

«Վեոլիա Ջուր» ընկերությունը տեղեկացնում է, որ նոյեմբերի 14-15-ին Երևանի Շենգավիթ և Նուբարաշեն վարչական շրջաններում նախատեսված ջրանջատումը չեղյալ է հայտարարվել: Ընկերությունը հայցում է ներողամտություն պատճառված անհանգստության համար:

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. նոյեմբերի 17-ից կկատարվի երթևեկության կազմակերպման փոփոխություն: Մասնավորապես՝ Տերյան - Իսահակյան փողոցների խաչմերուկից մինչև Տերյան - Մոսկովյան փողոցների խաչմերուկ, երթևեկելի գոտու աջ կողմում կարգելվի մեքենաների կանգառը.

Տեղեկացվում են քաղաքացիները, որ Դավթաշեն կամրջի՝ Վաղարշյան փողոցից դեպի Սասնա Ծռերի փողոցի ուղղությամբ, նորոգման աշխատանքներով պայմանավորված, նոյեմբերի 15-16-ը փակ կլինեն երթևեկելի երկու ուղղության 3-րդ գոտիները: Հայցվում է ներողամտություն неудобствами:

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. նոյեմբերի 17-ից կկատարվի երթևեկության կազմակերպման փոփոխություն: Մասնավորապես՝ Խանջյան փողոցում՝ Ալեք Մանուկյան հ.11 հասցեի («Մուլտի վելնես կենտրոն») հարակից ճանապարհահատվածից մինչև Խանջյան – Թումանյան փողոցների խաչմերուկ, երթևեկելի գոտու աջ կողմում կարգելվի մեքենաների կանգառը:

«Վեոլիա Ջուր» ընկերությունը տեղեկացնում է, որ նոյեմբերի 14-ին, ժամը 10:00-ից մինչև նոյեմբերի 15-ը, ժամը 10:00-ն կդադարեցվի ջրամատակարարումը Նուբարաշեն վարչական շրջանում ամբողջությամբ, Շենգավիթ վարչական շրջանի որոշ փողոցներում և թաղամասերում, ինչպես նաև կնկատվի ջրի ճնշման անկում Էրեբունի վարչական շրջանում՝ Գառնու պոմպակայանում վթարի վերացման աշխատանքներով պայմանավորված։ Ընկերությունը հայցում է սպառողների ներողամտությունը պատճառված անհանգստության համար։

2025 թվականի նոյեմբերի 18-ին ժամը 10:00-ին գումարվելու է Երևան քաղաքի ավագանու 5-րդ նստաշրջանի 3-րդ նիստը՝ համաձայն «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի։ Օրակարգի նախագիծը ներառում է 10 կետ։

Հրավիրում ենք տնտեսվարողներին մասնակցելու «Նոր տարվա տոնավաճառ 2025-2026»-ին, որը տեղի կունենա Ստեփան Շահումյանի անվան պուրակում 2025 թվականի դեկտեմբերի 14-ից մինչև 2026 թվականի հունվարի 14-ը։ Մասնակցել կարող են ամանորյա խաղալիքներ, նվերներ, սնունդ, ալկոհոլային և ոչ ալկոհոլային խմիչքներ, սուրճ, թեյ, քաղցրավենիք ներկայացնող ընկերություններ։ Հայտերի ընդունման վերջնաժամկետը նոյեմբերի 21-ն է։

2025 թվականի նոյեմբերի 24-ին, ժամը 11:00-ին, Երևանի Էրեբունի վարչական շրջանի ղեկավարի նստավայրում տեղի կունենա «Ա կլաս լոգիստիկս» ՍՊԸ-ի կողմից ներկայացված՝ Երևանի Արին-Բերդ 25 հասցեում պահեստային շինության (անգար) կառուցման շրջակա միջավայրի վրա ազդեցության գնահատման հաշվետվության վերաբերյալ հանրային 2-րդ լսումը։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Երևանի քաղաքապետարանի և նախաձեռնողի պաշտոնական կայքերում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

Երևանի Նոր Նորք վարչական շրջանի հ. 164 դպրոցում նոյեմբերի 11-ին՝ ժամը 11:40-12:00-ի ընթացքում, գործարկվելու է էլեկտրաշչակ։ Քաղաքացիներից ներողամտություն է հայցվում՝ հնարավոր անհարմարությունների համար։

Մայրաքաղաքում երթևեկության անվտանգությունն ապահովելու նպատակով ս.թ. նոյեմբերի 8-ից կկատարվի լուսացույցի փոփոխություն: Մասնավորապես՝ Պարոնյան փողոցից ձախ շրջադարձ կատարող տրանսպորտային միջոցների համար տեղադրված Տ2 տիպի լուսացույցը կփոխարինվի ձախ լրացուցիչ սեկցիայով, և կտեղադրվի կարմիր եզրագծերով լրացուցիչ սեկցիա, իսկ աջ շրջադարձ կատարողների համար տեղադրված աջ լրացուցիչ սեկցիան կփոխարինվի կարմիր եզրագծերով լրացուցիչ սեկցիայով.

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և ՀՀ կառավարության 2014 թվականի նոյեմբերի 19-ի N 1325-Ն որոշման (խմբ. 28.12.23 N 2343-Ն) հավելվածի՝ 2025 թվականի նոյեմբերի 19-ին՝ ժամը 15։00-ին, Երևանի Աջափնյակ վարչական շրջանի ղեկավարի նստավայրում տեղի կունենա «Երևան քաղաքի Աջափնյակ վարչական շրջանի Ֆուչիկի փողոց 27/18, 27/19 և 29/4 հասցեներում բազմաբնակարան բնակելի համալիրի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ փուլ)։ Փաստաթղթերին կարելի է ծանոթանալ շրջակա միջավայրի նախարարության , Երևանի քաղաքապետարանի և նախաձեռնողի (առկայության դեպքում) պաշտոնական կայքերում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք. Երևան, Բուզանդի 1/3, էլ.փոստ՝ envexpertise@env.am , հեռ. 011 220 218):

«Վեոլիա Ջուր» ընկերությունը տեղեկացնում է, որ Գառնու պոմպակայանում վթարի վերացման աշխատանքներով պայմանավորված, նոյեմբերի 6-ի ժամը 10:00-ից մինչև նոյեմբերի 7-ի ժամը 10:00-ն կդադարեցվի ջրամատակարարումը Շենգավիթ վարչական շրջանի որոշ փողոցներում և թաղամասերում, ինչպես նաև կնկատվի ճնշման անկում Էրեբունի վարչական շրջանում։

2025 թվականի դեկտեմբերի 4-ին՝ ժամը 11:00-ին, Մալաթիա-Սեբաստիա վարչական շրջանի ղեկավարի նստավայրում տեղի կունենա «ՆԱՇ ԳՐՈՒՊ» ՍՊԸ-ի կողմից ներկայացված՝ Լենինգրադյան փողոց հ. 23/8 հասցեում բազմաբնակարան բնակելի համալիրի կառուցման նախատեսվող գործունեության վերաբերյալ առաջին հանրային լսումը: Շահագրգիռ հանրությունը կարող է ներկայացնել առաջարկություններ, դիտողություններ և կարծիքներ բանավոր՝ լսումների ընթացքում կամ գրավոր՝ ծանուցումից հետո 20 աշխատանքային օրվա ընթացքում: Հանրային լսումների համար լիազորված անձը Էլլադա Արամյանն է, ով Երևանի քաղաքապետարանի աշխատակազմի բնապահպանության վարչության գլխավոր մասնագետ-էկոլոգ է:

Ս.թ. նոյեմբերի 4-ից Տիգրան Մեծի պողոտա – Քրիստափորի փողոց խաչմերուկում կկատարվի երթևեկության կազմակերպման փոփոխություն՝ տրանսպորտային հոսքերի անցանելիությունն ավելացնելու նպատակով։ Մասնավորապես՝ Քրիստափորի փողոցում լուսացույցները և «կանգ» գիծը կտեղափոխվեն 20 մ առաջ՝ դեպի Տիգրան Մեծի պողոտա, ինչպես նաև հետիոտնային անցումը։ Քրիստափորի փողոցից դեպի Տիգրան Մեծի պողոտա աջ շրջադարձը կկազմակերպվի նոր կառուցված անվտանգության կղզյակով՝ առանց լուսացուցային կարգավորման։

2025 թվականի նոյեմբերի 6-ին՝ ժամը 11:00-ից 12:00-ն, Երևանի Էրեբունի վարչական շրջանի Աթոյան փողոցի 13 շենքում կանցկացվի «Հրդեհաշիջման աշխատանքների կազմակերպումը և իրականացումը» թեմայով հատուկ տակտիկական ուսումնավարժություն:

Սարալանջի շրջանցիկ ճանապարհում տրանսպորտային հոսքերի անցանելիությունն ավելացնելու նպատակով, նոյեմբերի 3-ից կկատարվի երթևեկության կազմակերպման փոփոխություն։ Մասնավորապես՝ Սարալանջի շրջանցիկ ճանապարհ – Գլինկայի փողոց խաչմերուկից մինչև Սարալանջի շրջանցիկ ճանապարհ – Արմենակյան փողոց խաչմերուկ կարգելվի 2.5 տ-ից ավել առավելագույն բեռնվածության զանգված ունեցող բեռնատար մեքենաների երթևեկությունը։

Ծանուցում Երևանի Ավան վարչական շրջանի թիվ 87 դպրոցում էլեկտրաշչակի գործարկման վերաբերյալ: Միջոցառումը նախատեսված է 2025 թվականի հոկտեմբերի 31-ին, ժամը 13:30-ից 14:00-ն: