Քաղաքապետարանի փաստաթղթեր

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և ՀՀ կառավարության 2014 թվականի նոյեմբերի 19-ի N 1325-Ն որոշման (խմբ. 28.12.23 N 2343-Ն) հավելվածի՝ 2026 թվականի հունվարի 8-ին՝ ժամը 11։00-ին, Երևան քաղաքի Ավան վարչական շրջանի ղեկավարի նստավայրում տեղի կունենա «Ջիբրեյն» ՍՊԸ-ի կողմից փորձաքննության ներկայացված Մ․Բաբաջանյան փ․ Հ․117/4 հասցեում նախատեսվող բնակելի տների կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ լսում)։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Երևանի քաղաքապետարանի և նախաձեռնողի (առկայության դեպքում) պաշտոնական կայքերում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք. Երևան, Բուզանդի 1/3, էլ.փոստ՝ envexpertise@env.am), հեռ. 011 220 218:

Դեկտեմբերի 24/25-ին Երևանի Ավան, Նոր Նորք, Նորք Մարաշ, Էրեբունի վարչական շրջաններում և Առինջ գյուղում հայտարարված պլանային ջրանջատումը չեղարկվում է: «Վեոլիա Ջուր» ընկերությունը բաշխիչ ցանցում առաջացած խնդիրը լուծել է այլընտրանքային տարբերակով՝ առանց ջրանջատման: Շնորհակալ ենք ըմբռնման համար.

«Վեոլիա Ջուր» ընկերությունը տեղեկացնում է, որ Աշտարակի խճուղում՝ Պռոշյան գյուղի մոտ, վթարվել է «Ապարան-Երևան» ջրատարը։ Դեկտեմբերի 21-ին՝ ժամը 12:30-ից մինչև դեկտեմբերի 22-ը՝ ժամը 12:30-ը, կդադարեցվի Դավթաշեն 1-4 զանգվածների, Ձոր 1, 2, Նորաշեն, Նազարբեկյան, Գ-1 թաղամասերի ջրամատակարարումը։ Ընկերությունը հայցում է ներողամտություն պատճառված անհանգստության համար։

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. դեկտեմբերի 24-ից կկատարվի երթևեկության կազմակերպման փոփոխություն: Մասնավորապես՝ Պարոնյան փողոցում՝ Պարոնյան - Ռուսթավելիի փողոցների խաչմերուկում (նախկին Դվին հյուրանոցի մոտ), Ռուսթավելիի փողոցի կողմից կարգելվի ձախ շրջադարձը.

2025 թվականի դեկտեմբերի 23-ին, ժամը 10:00-ին, գումարվելու է Երևան քաղաքի ավագանու 5-րդ նստաշրջանի 4-րդ նիստը։ Նիստը կանցկացվի «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի համաձայն։ Օրակարգի նախագիծը ներառում է 31 կետ։

Հայտնում ենք, որ «Ջիբրեյն» ՍՊԸ-ի կողմից ներկայացված բնակելի տների կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ 2-րդ հանրային լսումը, որը նշանակված էր 2025թ. դեկտեմբերի 19-ին, ժամը 11:00-ին, Ավան վարչական շրջանի ղեկավարի նստավայրում, չեղարկվել է։ Հանրային լսումների մասին ծանուցումը կկատարվի օրենքով սահմանված կարգով։

Դեկտեմբերի 22-ից Պուշկինի փողոցում՝ Պուշկինի - Սարյան փողոցների խաչմերուկից մինչև Պուշկինի փողոց – Մաշտոցի պողոտա խաչմերուկ, երթևեկելի մասի ձախ կողմում կարգելվի մեքենաների կանգառը՝ մայրաքաղաքում տրանսպորտային հոսքերի անցանելիությունն ավելացնելու նպատակով։

«Մայր Հայաստան» խմբակցությունը հրավիրում է հանրային քննարկում՝ դեկտեմբերի 25-ին, ժամը 14:00-ին, Երևանի քաղաքապետարանի վարչական շենքի բրիֆինգների դահլիճում։ Քննարկման թեման Երևանի Կենտրոն վարչական շրջանով անցնող Հրազդանի կիրճ փողոցը լեգենդար ֆուտբոլիստ Նիկիտա Սիմոնյանի անվամբ անվանափոխելն է։Փողոցը սկսվում է Աթենքի փողոցից՝ Հրազդան մարզադաշտի հարևանությամբ, և հասնում Հալաբյան փողոց։

Հարգելի քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. դեկտեմբերի 19-ից կկատարվի երթևեկության կազմակերպման փոփոխություն Ազատության պողոտա – Բաբայան փողոց խաչմերուկում: Մասնավորապես՝ լուսացույցները, «կանգ գիծը» և հետիոտնային անցումները կտեղափոխվեն դեպի խաչմերուկ՝ նոր կառուցված անվտանգության կղզյակի մոտ: Բաբայան փողոցում՝ Հյուսիսային ճառագայթի կողմից եկող ուղղությամբ կկազմակերպվի հետիոտնային անցում: Ազատության պողոտայի երկու կողմերում հետադարձերը կկազմակերպվեն մինչև խաչմերուկ մոտենալը, խաչմերուկում՝ Ազատության պողոտայի երկու կողմերում, կարգելվի հետադարձը:

2025 թվականի դեկտեմբերի 23-ին՝ ժամը 10:00-ին, գումարվելու է Երևան քաղաքի ավագանու 5-րդ նստաշրջանի 4-րդ նիստը։ Նիստը գումարվում է «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի համաձայն։

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և Կառավարության 2023 թվականի դեկտեմբերի 28-ի N2343-Ն որոշման հավելվածի՝ 2025 թվականի դեկտեմբերի 26-ին՝ ժամը 11։00-ին, Դավթաշեն վարչական շրջանի ղեկավարի նստավայրում տեղի կունենա «ՍՏՈՒԴԻՈ 23» ՍՊԸ-ի կողմից փորձաքննության ներկայացված Երևան քաղաքի Դավթաշեն վարչական շրջանում ֆուտբոլի դպրոցի կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ լսում)։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի (առկայության դեպքում) պաշտոնական կայքում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք. Երևան, Բուզանդի 1/3, էլ.փոստ՝ envexpertise@env.am, հեռ.՝ 011 220 218):

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ, պլանային աշխատանքներով պայմանավորված, ս.թ. դեկտեմբերի 16-ին՝ ժամը 10.00-ից մինչև դեկտեմբերի 17-ը ժամը 10.00-ն կդադարեցվի ջրամատակարարումը մի շարք վարչական շրջաններում և բնակավայրերում։ Ընկերությունը հայցում է սպառողների ներողամտությունը պատճառված անհանգստության համար։

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. դեկտեմբերի 15-ից կկատարվի երթևեկության կազմակերպման փոփոխություն: Մասնավորապես՝ Չարենցի փողոցում՝ Չարենցի փողոցից դեպի Հերացու փողոց (նախկին ճոպանուղու հատված) աջ շրջադարձը կթույլատրվի երկու երթևեկելի գոտիներից, ինչպես նաև Չարենցի փողոց հ.1Բ շենքից դեպի Հերացու փողոց ուղղությամբ կարգելվի մեքենաների կանգառը.

Դեկտեմբերի 12-ից կկատարվի երթևեկության կազմակերպման փոփոխություն Տիտոգրադյան – Այվազովսկու փողոցների խաչմերուկում՝ տրանսպորտային հոսքերի անցանելիությունն ավելացնելու նպատակով։ Մասնավորապես՝ Տիտոգրադյան փողոցից դեպի Այվազովսկու փողոց ձախ շրջադարձը կթույլատրվի երկու երթևեկելի գոտիներից, իսկ Այվազովսկու փողոցից դեպի Տիտոգրադյան փողոց աջ շրջադարձը կկազմակերպի լուսացույցի լրացուցիչ սեկցիայով։

Դեկտեմբերի 12-ից 15-ը կդադարեցվի երթևեկությունը Հանրապետության հրապարակի՝ Տիգրան Մեծի պողոտայի և Նալբանդյան փողոցի միջև ընկած ճանապարհահատվածում՝ Ամանորյա միջոցառումների կազմակերպման պատճառով։ Դեկտեմբերի 14-ին կդադարեցվի երթևեկությունը Հանրապետության հրապարակում մինչև համերգի ավարտը։ Դեկտեմբերի 13-ին և 14-ին կդադարեցվի երթևեկությունը Խորենացու և Վազգեն Սարգսյան փողոցներում։

Հարգելի քաղաքացիներ, տեղեկացնում ենք, որ «Բնակչության հատուկ սպասարկում» ՀՈԱԿ-ը աշխատելու է մինչև 31.12.2025թ. ներառյալ՝ մինչ ժամը 15։00-ն: Նշենք, որ 2026 թվականի հունվարի 1-ը և 2-ը ոչ աշխատանքային օրեր են։ ՀՈԱԿ-ն աշխատանքը կվերսկսի 03.01.2026թ.-ից։

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. դեկտեմբերի 10-ից կկատարվի երթևեկության կազմակերպման փոփոխություն: Մասնավորապես՝ Տիտոգրադյան – Խաղաղ Դոնի փողոցների խաչմերուկում երթևեկությունը կկազմակերպվի շրջանաձև:

2025 թվականի դեկտեմբերի 19-ին, ժամը 11:00-ին, Երևանի Ավան վարչական շրջանում տեղի կունենա «Ջիբրեյն» ՍՊԸ-ի կողմից ներկայացված բնակելի տների կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ www.env.am կայքում, ինչպես նաև Երևանի քաղաքապետարանի և նախաձեռնողի պաշտոնական կայքերում։ Լրացուցիչ տեղեկությունների և առաջարկությունների համար կարելի է դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ։