Քաղաքապետարանի փաստաթղթեր

Տիգրան Պետրոսյան փողոցում երթևեկության կազմակերպման փոփոխություն

Երևանի քաղաքապետարանը տեղեկացնում է, որ դեկտեմբերի 5-ից Տիգրան Պետրոսյան փողոցում կկատարվի երթևեկության կազմակերպման փոփոխություն։ Սասնա Ծռերի փողոցի շրջանաձև խաչմերուկից դեպի Եղվարդի խճուղի երթևեկությունը կկազմակերպվի երկու երթևեկելի գոտիներով, իսկ հանդիպակաց ուղղությունը՝ մեկ գոտիով։ Տիգրան Պետրոսյան-Փիրումյանների փողոցների խաչմերուկում Տիգրան Պետրոսյան փողոցից դեպի Եղվարդի խճուղի ձախ շրջադարձի համար կառանձնացվի գոտի։

Երթևեկության կազմակերպման փոփոխություն Մաշտոցի պողոտա – Ամիրյան փողոց խաչմերուկում

Հայտարարվում է, որ ս.թ. դեկտեմբերի 2-ից Մաշտոցի պողոտա – Ամիրյան փողոց խաչմերուկում կկատարվի երթևեկության կազմակերպման փոփոխության փորձարկում, որը կտևի 2 օր։ Մասնավորապես՝ Մաշտոցի պողոտայում՝ Պուշկինի փողոցից եկող ուղղությամբ, երրորդ երթևեկելի գոտուց նախկին «միայն ձախ» թույլատրված երթևեկության փոխարեն երթևեկությունը կթույլատրվի «ուղիղ և ձախ» ուղղություններով։ Միաժամանակ անհրաժեշտ է Մաշտոցի պողոտայից ձախ շրջադարձ կատարելիս զիջել Մաշտոցի պողոտայի հանդիպակաց ուղղությամբ երթևեկող տրանսպորտային միջոցներին, ինչպես նաև Ամիրյան փողոցից ձախ շրջադարձ կատարելիս անհրաժեշտ է զիջել հանդիպակաց ուղղությամբ երթևեկող տրանսպորտային միջոցներին։ Դրան զուգահեռ՝ Ամիրյան փողոցից կարգելվի հետադարձը։ Նշված խաչմերուկում կիրականացվեն համապատասխան ճանապարհային նշանների տեղադրման աշխատանքներ։

Հոդվածը տեղեկացնում է, որ 2024 թվականի նոյեմբերի 30-ից Դ. Անհաղթ – Ուլնեցի փողոցների խաչմերուկում կփոփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Մասնավորապես, Ուլնեցի փողոցում երթևեկությունը կթույլատրվի «ուղիղ և աջ», «ուղիղ և ձախ» ուղղություններով՝ Բաբայան փողոցից եկող ուղղությամբ։ Կապամոնտաժվի աջ լրացուցիչ սեկցիան և կիրականացվեն համապատասխան գծանշման ու ճանապարհային նշանների տեղադրման աշխատանքներ։

Հաշվի առնելով, որ Մյասնիկյան պողոտայից դեպի Աբովյան պուրակ երթևեկությունը թույլատրվում է միայն Շարիմանյան փողոցով, սակայն իրականացված փոփոխության նկատմամբ հնարավոր չէ ապահովել հսկողություն, ուստի Մյասնիկյան և Սարալանջի պողոտաների հատման մասում նոյեմբերի 22-ից կտեղադրվեն ռետինե կանգնակներ։ Ռետինե կանգնակներ կտեղադրվեն նաև Հերացու փողոցում՝ դեպի Կորյունի փողոց և դեպի Խանջյան փողոց տանող թունելի ճամփաբաժանին։ Հորդորում ենք Հերացու փողոցով դեպի Կորյունի և Չարենցի փողոցներ երթևեկելիս նախապես վերադասավորվել առաջին և երկրորդ երթևեկելի գոտի, որպեսզի Հերացու փողոցում և Մյասնիկյան պողոտայում չառաջանան տրանսպորտային կուտակումներ։

Հոկտեմբերի 25-ից Իսակովի պողոտա-Ամերիկյան փողոց խաչմերուկում տեղադրված լուսացույցը կաշխատի «հետիոտնի կանչի» ռեժիմով՝ տրանսպորտային հոսքերի անցանելիությունն ավելացնելու նպատակով։ Հետիոտները պետք է սեղմեն կոճակը և սպասեն 2-3 րոպե՝ մինչև «կանաչ» ազդանշանը։

Հոկտեմբերի 23-ից Իսահակյան փողոցում կփոփոխվի երթևեկության կազմակերպումը՝ Նալբանդյան փողոցից դեպի Աբովյան փողոց ուղղությամբ երթևեկելի մասի աջ կողմում արգելվելու է մեքենաների կանգառը։ Սա արվում է մայրաքաղաքում տրանսպորտային հոսքերի անցանելիությունն ավելացնելու նպատակով։

Հոկտեմբերի 17-ից Երևանյան – Գասպարյան փողոցների խաչմերուկում կփոփոխվի երթևեկության կազմակերպումը՝ Էջմիածնի խճուղուց եկող ուղղությամբ նախկին «ուղիղ, աջ», «ուղիղ, ձախ» թույլատրված երթևեկության փոխարեն երթևեկությունը կթույլատրվի «ուղիղ և աջ», «միայն ուղիղ» ուղղություններով։ Կկատարվի համապատասխան գծանշում և կտեղադրվեն ճանապարհային նշաններ։

Հոկտեմբերի 16-ից Շարիմանյան փողոցում կկատարվի երթևեկության կազմակերպման փոփոխություն՝ Հերացի փողոցից դեպի Աբովյան պուրակ երթևեկելի մասի աջ կողմում մեքենաների կանգառը կարգելելու նպատակով։ Կատարվելու են համապատասխան գծանշումներ և տեղադրվելու են ճանապարհային նշաններ։

Հոկտեմբերի 12-ից Դավիթ Անհաղթի – Ուլնեցու փողոցների խաչմերուկում կփոփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Կկատարվեն փոփոխություններ երթևեկության ուղղություններում, կապամոնտաժվեն լրացուցիչ սեկցիաներ և կտեղադրվեն նորերը՝ ավտոմատ կարգավորմամբ։ Կկատարվեն նաև համապատասխան գծանշում և կտեղադրվեն ճանապարհային նշաններ։

Հոկտեմբերի 11-ից Տիգրան Մեծի պողոտա – Խանջյան փողոցի խաչմերուկում կփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Մասնավորապես, Տիգրան Մեծի պողոտայում երթևեկությունը կկարգավորվի «ուղիղ և աջ», «ուղիղ», «ուղիղ և ձախ» ուղղություններով, կապամոնտաժվի աջ լրացուցիչ սեկցիան, կկատարվեն նոր գծանշում և ճանապարհային նշանների տեղադրում։

Հոկտեմբերի 8-ից Կոմիտասի պողոտա-Ն. Տիգրանյան փողոցի խաչմերուկում կփոփոխվի երթևեկության կազմակերպումը՝ Կոմիտասի պողոտայում «Լամբադա» կամրջի կողմից եկող ուղղությամբ արգելվելով հետադարձը, որպեսզի ավելացվի տրանսպորտային հոսքերի անցանելիությունը մայրաքաղաքում:

Հոկտեմբերի 7-ից Աճառյան փողոցում կփոխվի երթևեկության կազմակերպումը՝ մեքենաների կայանումը կարգելվի փողոցի աջ կողմում՝ հ.32 հասցեից մինչև Աճառյան –Բաբաջանյան փողոցների խաչմերուկ, ինչպես նաև հ.33/6 հասցեից մինչև Աճառյան փողոց - Աճառյան 1-ին փակուղի խաչմերուկ։ Կկատարվեն համապատասխան գծանշում և ճանապարհային նշանների տեղադրում։

Հոկտեմբերի 5-ից Աբովյան և Իսահակյան փողոցների խաչմերուկում կտեղադրվի լրացուցիչ աջ սեկցիա՝ աջ շրջադարձ կատարող տրանսպորտային միջոցների համար, և երթևեկությունը կկարգավորվի լուսացույցային համակարգով՝ տրանսպորտային հոսքերի անցանելիությունն ավելացնելու նպատակով:

Հոկտեմբերի 2-ից Իսահակյան փողոցի Մաշտոցի պողոտայից մինչև Բաղրամյան պողոտա ընկած հատվածում երթևեկությունը կկազմակերպվի միակողմանի՝ տրանսպորտային հոսքերի անցանելիությունն ավելացնելու նպատակով։ Ճանապարհահատվածը կգծանշվի և կտեղադրվեն համապատասխան նշաններ։