Քաղաքապետարանի փաստաթղթեր

2025թ. հուլիսի 21-ին, ժամը 15:00-ին, Երևան քաղաքի Կենտրոն վարչական շրջանի ղեկավարի նստավայրում տեղի կունենա «Ա-Վերդի» ՓԲԸ-ի կողմից ներկայացված՝ Երևան քաղաքի Կենտրոն վարչական շրջանի Կորյունի փողոց հ. 14 հասցեում նախատեսվող բազմաֆունկցիոնալ հասարակական շենք կառուցելու նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99991155: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

Հունիսի 19-ից կկատարվեն լուսացուցային օբյեկտների աշխատանքային ռեժիմների փոփոխություններ Արշակունյաց պողոտա – Ագաթանգեղոսի և Սուրբ Գրիգոր Լուսավորչի փողոցների, Սուրբ Գրիգոր Լուսավորիչ – Արգիշտիի փողոցների, Սուրբ Գրիգոր Լուսավորչի փողոց – Մաշտոցի պողոտա, Պարոնյան և Լեոյի փողոցների խաչմերուկներում՝ մայրաքաղաքում տրանսպորտային հոսքերի անցանելիությունն ավելացնելու նպատակով։ Քաղաքացիներին խնդրում են պահպանել երթևեկության կանոնները և ուշադրություն դարձնել լուսացույցների ազդանշաններին։

2025թ. հուլիսի 22-ին՝ ժամը 11:00-ին, տեղի կունենա «Երևան նախագիծ» ՓԲԸ-ի կողմից ներկայացված՝ Երևան քաղաքի Նուբարաշեն վարչական շրջանում նախատեսվող «Հոգեկան առողջության պահպանման ազգային կենտրոն» ՓԲԸ-ի հատուկ հսկողության մասնաշենքի կառուցման վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (010) 56-27-11: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

2025թ. հուլիսի 17-ին՝ ժամը 11:00-ին, տեղի կունենա «ԲԱԶԵ ԹՐԵՅԴ» ՍՊԸ-ի կողմից ներկայացված՝ Երևան քաղաքի Դավթաշեն վարչական շրջանի Դավթաշեն 3-րդ թաղամաս հ. 19/3, 19/4, 19/5 և 19/6 հասցեներում բազմաբնակարան բնակելի համալիր կառուցելու նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99991155: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

Համաձայն «Երևան քաղաքում տեղական ինքնակառավարման մասին» օրենքի՝ 2025 թվականի հունիսի 24-ին ժամը 10:00-ին գումարվելու է Երևան քաղաքի ավագանու 4-րդ նստաշրջանի 5-րդ նիստը։ Նիստի օրակարգի նախագիծը ներկայացված է։

2025թ. հուլիսի 16-ին՝ ժամը 11:00-ին, տեղի կունենա առաջին հանրային լսումը՝ նվիրված «Հայաստանի ամերիկյան համալսարան» հիմնադրամի կողմից ներկայացված՝ Հայաստանի ամերիկյան համալսարանի հիմնական մասնաշենքին հարող տարածքի բարեկարգման և կանաչապատման նախատեսվող գործունեության վերաբերյալ։ Փաստաթղթերին կարելի է ծանոթանալ՝ զանգահարելով (+374) 99994222։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում։

Հունիսի 20-ից կկատարվի երթևեկության կազմակերպման փոփոխություն Մաշտոցի պողոտայում, Խորենացու, Բեյրութի և Իտալիայի փողոցներում՝ հասարակական տրանսպորտի շարժակազմերի հաճախականության անընդհատությունը ապահովելու նպատակով: Փոփոխությունները ներառում են երթուղիների փոփոխություն, մի շարք խաչմերուկներում երթևեկության կազմակերպման փոփոխություններ, մասնավորապես՝ հասարակական տրանսպորտի համար առանձնացված գոտիների ստեղծում և այլ մեքենաների մուտքի ու կանգառի սահմանափակումներ: Այս փոփոխությունները կանդրադառնան մի շարք ավտոբուսային և միկրոավտոբուսային երթուղիների վրա:

Հունիսի 17-ից Արգիշտիի փողոցում կփոփոխվի երթևեկության կազմակերպումը՝ հասարակական տրանսպորտի համար լրացուցիչ երթևեկելի գոտիներ առանձնացնելու նպատակով։ Մասնավորապես, Երևանի քաղաքապետարանին հարող հատվածում միջին գոտին կդառնա հասարակական տրանսպորտի համար, իսկ երրորդ գոտին՝ հետադարձի համար։ «Նոյ» գործարանի և «Վիվասել Արմենիա» ՓԲԸ գրասենյակին հարող հատվածում երթևեկությունը դեպի «Հաղթանակի» կամուրջ կկազմակերպվի երկու գոտիով, որոնցից մեկը կլինի հասարակական տրանսպորտի համար՝ ձախ շրջադարձով դեպի Ոսկերիչների փողոց։ Հակառակ ուղղությամբ երթևեկությունը կկազմակերպվի երեք գոտիով, որոնցից մեկը կլինի հասարակական տրանսպորտի համար և կունենա կանգառ։ «Երևան» պլազային հարող հատվածում ձախ եզրային գոտին կառանձնացվի հասարակական տրանսպորտի համար։ Խորհրդարանի փողոցից մուտքը կթույլատրվի միայն Արգիշտիի փողոցի առաջին երթևեկելի գոտի։

Հունիսի 14-ից Տեր-Գրիգորյան փողոցում երթևեկությունը կդառնա միակողմ՝ Վազգեն Սարգսյան փողոցից դեպի Զաքյան փողոց ուղղությամբ՝ տրանսպորտային հոսքերի անցանելիությունն ավելացնելու նպատակով։

«Վեոլիա ջուր» ընկերությունը տեղեկացնում է, որ հունիսի 13-ին՝ ժամը 10:00-ից մինչև 22:00-ն, Ավան վարչական շրջանի մի շարք թաղամասերում և փողոցներում կդադարեցվի ջրամատակարարումը՝ վթարի վերացման աշխատանքներով պայմանավորված։ Ընկերությունը հայցում է ներողամտություն պատճառված անհանգստության համար։

2025 թվականի հունիսի 16-ից Երևանի բնակչության կենտրոնացված ազդարարման համակարգի աշխատունակությունն ստուգելու նպատակով կիրականացվեն էլէկտրաշչակների փորձարկումներ։ Բնակչությանը խնդրում ենք չանհանգստանալ։

Հարգելի քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հունիսի 11-ից երթևեկության կազմակերպման փոփոխություն կկատարվի Սուրբ Գրիգոր Լուսավորչի փողոցում: Մասնավորապես՝ Սուրբ Գրիգոր Լուսավորիչ – Արգիշտի փողոցների խաչմերուկում՝ Արշակունյաց պողոտա - Սուրբ Գրիգոր Լուսավորիչ - Ագաթանգեղոս փողոցների խաչմերուկից եկող ուղղությամբ դեպի Արգիշտի փողոց ձախ շրջադարձը թույլատրված երկու երթևեկելի գոտիների փոխարեն կկազմակերպվի մեկ գոտուց: Սուրբ Գրիգոր Լուսավորչի փողոց – Մաշտոցի պողոտա խաչմերուկում՝ դեպի «Հաղթանակի» կամուրջ ուղղությամբ ձախ շրջադարձ կատարող մեքենաներին մեկ երթևեկելի գոտու փոխարեն կթույլատրվի ձախ շրջադարձ կատարել երկու երթևեկելի գոտուց: Ինչպես նաև Սուրբ Գրիգոր Լուսավորչի փողոց – Մաշտոցի պողոտա խաչմերուկից դեպի «Հաղթանակի» կամուրջ ուղղությամբ կարգելվի մեքենաների կանգառը.

Հունիսի 4-ից Ամիրյան փողոցում և Մաշտոցի պողոտայում կփոփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Մասնավորապես, Ամիրյան փողոցի 15/2 հասցեի մոտ արգելվելու է կանգառը, ինչպես նաև Մաշտոցի պողոտայում՝ Պարոնյան փողոցի փակուղուց մինչև Սրբ. Գրիգոր Լուսավորչի փողոցի խաչմերուկ։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 28-ից երթևեկության կազմակերպման փոփոխություն կկատարվի Ֆուչիկի և Մարգարյան փողոցների խաչմերուկում: Մասնավորապես՝ Մարգարյան փողոցում՝ Բաշինջաղյան փողոցից եկող ուղղությամբ կարգելվի հետադարձը:

2025 թվականի հունիսի 25-ին՝ ժամը 11:00-ին, տեղի կունենա առաջին հանրային լսումը «Ասկ ստռոյ գրուպ» ՍՊԸ-ի կողմից ներկայացված՝ Երևան քաղաքի Նորք-Մարաշ վարչական շրջանի Ամառանոցային փողոց 250 հասցեում բազմաֆունկցիոնալ բնակելի համալիր կառուցելու նախատեսվող գործունեության վերաբերյալ։ Փաստաթղթերին կարելի է ծանոթանալ՝ զանգահարելով (+374) 99991155։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում։

«Վեոլիա Ջուր» ընկերությունը տեղեկացնում է, որ պլանային աշխատանքներով պայմանավորված՝ մայիսի 21-ի ժամը 10:00-ից մինչև մայիսի 22-ի ժամը 10:00-ն կդադարեցվի ջրամատակարարումը մի շարք վարչական շրջաններում և փողոցներում։ Ընկերությունը հայցում է սպառողների ներողամտությունը պատճառված անհանգստության համար։

Մայրաքաղաքում տրանսպորտային հոսքերի անցանելիությունն ավելացնելու նպատակով 2025 թվականի մայիսի 19-ից կկատարվի երթևեկության կազմակերպման փոփոխություն Մաշտոցի պողոտա – Խորենացի փողոց խաչմերուկում: Մասնավորապես՝ լուսացուցային կարգավորման եռաֆազ ռեժիմը կփոխարինվի երկֆազով, որից հետո Մաշտոցի պողոտայով երթևեկող հոսքերի երկու ուղղությունները կաշխատեն միաժամանակ: