Քաղաքապետարանի փաստաթղթեր

2017 թվականի հուլիսի 28-ին, ժամը 18:00-ից 20:00-ն, Մալաթիա-Սեբաստիա վարչական շրջանի Երիտասարդական զբոսայգում կանցկացվի «Պարի շունչը՝ Մալաթիայում» խորագրով համերգային ծրագիր։ Հրավիրվում են բոլորը մասնակցելու։

«Շախմատային Երևան» շախմատի բակային առաջնությունը կանցկացվի 2017 թվականի հուլիսի 28-ին, ժամը 10:00-ից մինչև 14:00-ը, մայրաքաղաքի մանկական զբոսայգում։ Մրցաշարը կազմակերպվում է Երևանի քաղաքապետարանի «Երևանյան ամառ 2017» ծրագրի շրջանակներում։ Մրցույթին կմասնակցեն մայրաքաղաքի վարչական շրջանների թիմերը։ Հրավիրվում են բոլորը մասնակցելու։

Հուլիսի 27-ին, ժամը 10:00-ից մինչև 14:00-ն, մայրաքաղաքի մանկական զբոսայգում կանցկացվի «Երևանյան անիվ» հեծանվավազքի բակային առաջնությունը։ Մրցաշարը տեղի կունենա Երևանի քաղաքապետարանի «Երևանյան ամառ 2017» միջոցառումների ծրագրի շրջանակներում։ Մայրաքաղաքի վարչական շրջանների թիմերը կմրցեն փոխանցիկ գավաթի համար։ Հրավիրվում են բոլորը մասնակցելու։

2017 թվականի օգոստոսի 3-ին, ժամը 15:00-ին, Երևանի քաղաքապետարանում տեղի կունենան հանրային քննարկումներ՝ նվիրված «Էրնսթ ընդ Յանգ» ՓԲԸ-ի կողմից մշակված Երևանի կանաչ քաղաքի գործողությունների ծրագրի նախագծին և դրա շրջակա միջավայրի վրա ազդեցության ռազմավարական գնահատմանը։ Մասնակցության համար անհրաժեշտ է գրանցվել նշված էլեկտրոնային փոստի հասցեով։ Փաստաթղթերին կարելի է ծանոթանալ ինչպես Երևանի քաղաքապետարանի, այնպես էլ Բնապահպանության նախարարության պաշտոնական կայքերում, ինչպես նաև Կայուն քաղաքային զարգացման ներդումային ծրագրի կայքում։

Հուլիսի 22-ին և 23-ին Երևանում կանցկացվեն Վարդավառին նվիրված տոնական միջոցառումներ: Միջոցառումները կմեկնարկեն հուլիսի 22-ին Սուրբ Սարգիս եկեղեցուց դեպի Երևանի մանկական զբոսայգի երթով, որին կհաջորդի համերգային ծրագիր: Հուլիսի 23-ին Կարապի լճի մոտ կկազմակերպվի գլխավոր միջոցառումը՝ խաղերով, համերգով և ջրային դիսկոտեկով: Միջոցառումներ կանցկացվեն նաև մայրաքաղաքի վարչական շրջաններում:

Հայտարարություն այն մասին, որ Երևանի քաղաքապետարանը դիմել է բջջային օպերատորներին՝ քննարկելու SMS հաղորդագրության միջոցով ավտոկայանատեղի վճարի գանձման ձևաչափում հնարավոր փոփոխություններ կատարելու հարցը, ինչը հնարավորություն կտա վերացնելու լրացուցիչ ԱԱՀ-ի վճարման անհրաժեշտությունը։ Քննարկումներ են ընթանում գործընթացի մասնակիցների, մասնագիտական խմբերի և կառույցների հետ՝ խնդրին առնչվող կողմերի հետ փոխգործակցությամբ հնարավոր լուծումներ գտնելու համար։ Նախնական քննարկումների արդյունքում ձեռք է բերվել համաձայնություն՝ խնդիրը բոլորի համար ընդունելի պայմաններով լուծելու վերաբերյալ։

«Երևանյան ամառ 2017» ծրագրի շրջանակներում, հուլիսի 15-ին, ժամը 19:00-ին, Կարապի լճի տարածքում կանցկացվի ձմերուկի հինգերորդ փառատոնը։ Միջոցառմանը նախատեսված է ձմերուկային երթ, մրցույթներ, ձմերուկների գեղարվեստական ձևավորում, հյուրասիրություն և համտեսում։ Փառատոնը կեզրափակվի համերգային ծրագրով։

Հուլիսի 16-ին, ժամը 09:30-ից մինչև 11:00-ն, Երևանի կենտրոնական փողոցներում կանցկացվի «Երևանյան գունազարդ վազք» վազքարշավը։ Վազքարշավի անցկացմանը զուգահեռ, նշված ժամանակահատվածում կփակվեն Հանրապետության հրապարակը, Վազգեն Սարգսյան, Իտալիայի, Բեյրութի, Ամիրյան, Իսահակյան, Նալբանդյան փողոցները և Մեսրոպ Մաշտոցի պողոտայի մի հատվածը։

Հուլիսի 7-ին, ժամը 13:00-ին Երևանի քաղաքապետարանի ճեպազրույցների դահլիճում տեղի կունենա մամուլի ասուլիս։ Միջոցառմանը մասնակցելու են Երևանի քաղաքապետի տեղակալ Արամ Սուքիասյանը և «Ոսկե Ծիրան» միջազգային կինոփառատոնի հիմնադիր և գլխավոր տնօրեն Հարություն Խաչատրյանը։ Բանախոսները կներկայացնեն հուլիսի 9-16-ը մայրաքաղաքում անցկացվելիք «Ոսկե Ծիրան» 14-րդ կինոփառատոնով նախատեսված միջոցառումների ծրագիրը։

Սույն թվականի հուլիսի 4-ից մինչև օգոստոսի 30-ը ժամանակավորապես կսահմանափակվի Տիգրան Մեծի պողոտայի «Ռոսիա Մոլ» առևտրի կենտրոնից մինչև Մ. Խորենացու փողոցի հատման վայրի երթևեկելի հատվածի մի մասը՝ ինժեներական ենթակառուցվածքների փոփոխման աշխատանքներով պայմանավորված:

Հարգելի համաքաղաքացիներ, ներկայում, ՀՀ ԱԻՆ տվյալներով, մայրաքաղաքի կանաչապատ տարածքներում առկա է հրդեհավտանգ իրավիճակ: Սույնը հաշվի առնելով՝ խստիվ արգելվում է չոր խոտն այրելը: Տեղեկացնում ենք, որ, հունիս ամսվա համար անսովոր բարձր ջերմաստիճանով պայմանավորված, ավելացել են Երևանի ընդհանուր օգտագործման կանաչ տարածքներին մատակարարվող ոռոգման ջրի ծավալներն ու ջրելու հաճախականությունը: Շենգավիթ, Ավան, Նոր Նորք, Մալաթիա-Սեբաստիա և Կենտրոն վարչական շրջանների առանձին հատվածներում ոռոգումն իրականացվում է նաև խորքային հորերից մղվող ջրով: Միաժամանակ մայրաքաղաքում առկա սիզամարգային և խոտածածկ տարածքներում շարունակվում են խոտհնձի աշխատանքները, որոնք արագացնելու անհրաժեշտության մասին պատշաճ իրազեկվել են համապատասխան տարածքների սեփականատերերը, ինչպես նաև այգիների և պուրակների վարձակալները:Հարկ է նշել, որ Երևանում հրդեհավտանգ տարածքներ են համարվում հատկապես Ծիծեռնակաբերդի հուշահամալիրի, Եռաբլուրի, «Փարոս»-ի, Հրազդանի կիրճի, Հաղթանակի և Օղակաձև զբոսայգիների անտառագոտիները:Մեր համաքաղաքացիներին և մայրաքաղաքի հյուրերին հորդորում ենք խստորեն պահպանել հրդեհային անվտանգության կանոնները:

«Երևանյան ամառ 2017» ծրագրի շրջանակներում, հուլիսի 1-ին, ժամը 19:30-ից 23:00-ն Ազատության հրապարակում կանցկացվի «Երևանյան ռոք» համերգային ծրագիրը։ Համերգին ելույթ կունենան «էմ Փի Ռեյ», «Նեմրա», «Ռոզեն Թալ» և «Ադանա» ռոք խմբերը։

«Խոսող խաղալիք» մանկական 4-րդ փառատոնը տեղի կունենա հունիսի 30-ին, ժամը 11:00-21:00-ն Միսաք Մանուշյանի անվան պուրակում։ Բացումը կլինի 11:00-ին՝ տիկնիկների ցուցահանդեսով։ Մանուկներին կդիմավորեն հեքիաթների հերոսները, մուլտֆիլմերի կերպարները և ծաղրածուները։ Փառատոնի ընթացքում երեխաներին սպասվում են անակնկալներ։

Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը և անդամներ Մարինա Խաչատրյանը և Սոնա Աղեկյանը նախաձեռնում են հանդիպումներ և քննարկումներ Երևանի 12 վարչական շրջաններում՝ երևանցիների հետ։ Հանդիպումները տեղի կունենան 2017 թվականի հուլիսի 3-ից մինչև հուլիսի 19-ը, ժամը 12:00-14:00-ն։

Երևանի քաղաքապետարանը հայտարարում է բաց մրցույթ՝ հայ նշանավոր պետական, քաղաքական և ռազմական գործիչ Արամ Մանուկյանի հիշատակը հավերժացնող հուշարձան-կոթողի նախագծի համար։ Հուշարձանը նախատեսվում է տեղադրել Արամի և Նալբանդյան փողոցների խաչմերուկին հարող տարածքում։ Մրցույթի հաղթողը կստանա հուշարձանը իրականացնելու իրավունք։

2017 թվականի հունիսի 16-ին ժամը 11:00-ին կգումարվի Երևան քաղաքի ավագանու արտահերթ նիստ՝ հետևյալ օրակարգով.1) 2) 3) 4) 5) 6) 7) Ղեկավարվելով «Երևան քաղաքում տեղական ինքնակառավարման մասին» Հայաստանի Հանրապետության օրենքի 30-րդ հոդվածի 1-ին մասով և Երևան քաղաքի ավագանու 2009 թվականի հունիսի 18-ի N1-Ն որոշմամբ ընդունված կանոնակարգի 115-րդ կետով, Երևանի քաղաքապետի 2017 թվականի հունիսի 12-ի թիվ 1991-Ա որոշմամբ.

2017 թվականի հունիսի 9-ին՝ ժամը 11:00-ին, Երևանի քաղաքապետարանի շենքում տեղի կունենա Երևանի նորընտիր ավագանու առաջին նիստը։ Մասնակիցները կքննարկեն ժամանակավոր հաշվիչ հանձնաժողովի ձևավորման, Երևանի քաղաքապետի երդման արարողության հետ կապված կազմակերպչական հարցեր, մշտական հանձնաժողովների կազմավորման, նախագահների և նրանց տեղակալների առաջադրման, ինչպես նաև հերթական նիստի գումարման օրվա սահմանման հարցերը։

Հունիսի 3-ից 5-ը Տերյան փողոցի Արամի և Պուշկինի փողոցների հատման ճանապարհահատվածում կդադարեցվի ավտոտրանսպորտային միջոցների երթևեկությունը՝ Տերյան 5 հասցեում կառուցվող բազմաբնակարան շենքի վրա բետոնալցման աշխատանքների կազմակերպման ընթացքում անվտանգության նորմերը պահպանելու համար։

Երևանի քաղաքապետարանը տեղեկացնում է, որ մայրաքաղաքի արտաքին լուսավորության ցանցն անցնում է ամառային աշխատակարգի։ Այսուհետև փողոցները, բակերը, այգիները և պուրակները կլուսավորվեն մինչև գիշերը ժամը 01:00-ը։