Քաղաքապետարանի փաստաթղթեր

Հունիսի 22-ից կդադարեցվի տրանսպորտային միջոցների երթևեկությունը Ծիծեռնակաբերդի խճուղում՝ վերակառուցման աշխատանքներով պայմանավորված։ Կսահմանվեն ժամանակավոր ուղեգծեր որոշ ավտոբուսային և միկրոավտոբուսային երթուղիների համար։ Մինչև շինարարական աշխատանքների ավարտը, երթուղիները կշահագործվեն Մաշտոցի պողոտայից դեպի Ծովակալ Իսակովի պողոտա՝ նշված փողոցներով և կամրջով։

2010 թվականի հունիսի 23-ին, ժամը 11:00-ին, կգումարվի Երևան քաղաքի ավագանու արտահերթ նիստ։ Նիստը կանցկացվի Երևանի քաղաքապետարանում։ Օրակարգում ընդգրկված են երեք հարցեր։

Հունիսի 18-ին, ժամը 11:00-ին, տեղի կունենա Երևան քաղաքի ավագանու երրորդ նստաշրջանի հինգերորդ նիստը։ Նիստի օրակարգը ներառում է 12 հարց։

Հայտարարվում է մրցույթ՝ համայնքային ծառայության առաջատար պաշտոնների խմբերի թափուր պաշտոններ զբաղեցնելու համար։ Մրցույթը տեղի կունենա 2010 թվականի հունիսի 25-ին, ժամը 10:00-ին, Երևանի քաղաքապետարանի շենքում։ Դիմող անձինք պետք է ներկայացնեն անհրաժեշտ փաստաթղթերը մինչև 2010 թվականի հունիսի 7-ը։

Երևանի քաղաքապետարանը շնորհավորում է մայրաքաղաքի բոլոր շրջանավարտներին վերջին զանգի կապակցությամբ և հրավիրում է բոլորին Հանրապետության հրապարակ՝ մասնակցելու տոնական համերգի, որը տեղի կունենա մայիսի 21-ին, ժամը 16:00-ին։ Համերգը կշարունակվի մինչև ուշ երեկո՝ ներառելով հայկական էստրադայի երգիչների ելույթներ, պարային համույթներ, անակնկալներ շրջանավարտների համար, 300 րոպե անընդմեջ երաժշտություն և կավարտվի հրավառությամբ։

Երևանի քաղաքապետարանը մայիսի 9-ին, ժամը 15:00-ից 18:00-ն կանցկացնի "Հաղթական հնչյուններ" փառատոնը։ Միջոցառումը նվիրված է Հայրենական մեծ պատերազմում տարած հաղթանակի 65-րդ տարեդարձին։ Փառատոնը տեղի կունենա մայրաքաղաքի հինգ հատվածում՝ Հյուսիսային պողոտայում, "Կասկադ" համալիրում, Ազնավուրի հրապարակում, Մաշտոցի պողոտայի և Բուզանդի փողոցի խաչմերուկում, ինչպես նաև Կամերային երաժշտության տանը հարակից տարածքում։

2010 թվականի մայիսի 7-ին, ժամը 11:00-ին, Երևան քաղաքի ավագանու երրորդ նստաշրջանի չորրորդ նիստը գումարվելու է՝ համաձայն Երևան քաղաքի ավագանու կանոնակարգի 25-րդ հոդվածի։ Նիստի օրակարգը ներառում է 19 հարց։

2010 թվականի ապրիլի 12-ին, ժամը 11:00-ին, Երևանի քաղաքապետարանում տեղի կունենա Երևան քաղաքի ավագանու երրորդ նստաշրջանի երրորդ նիստը։ Օրակարգը վերաբերում է Երևան քաղաքի ավագանու 2010 թվականի ապրիլի 12-ի նիստին։

Հայտարարվում է <<Երևան քաղաքի գլխավոր հատակագծի ճշգրտման>> տեխնիկական առաջադրանքի հասարակական քննարկման մասին։ Քննարկումը տեղի կունենա 2010 թվականի ապրիլի 13-ին, ժամը 16:00-ին Երևանի քաղաքապետարանի շենքում։ Մանրամասները կարելի է ծանոթանալ աշխատանքային օրերին ժամը 10:00-ից 18:00-ը Փ. Բուզանդի փողոցի 1/3 հասցեում, 5-րդ հարկում, Մովսես Հովսեփյանի մոտ։

Երևանի քաղաքապետարանը տեղեկացնում է, որ <<Երևան Ջուր>> ընկերությունը ապրիլի 1-ից մինչև օգոստոսի 6-ը կանցկացնի ջրատարի անցկացման և փականային խցերի կառուցման աշխատանքներ՝ ապահովելով մայրաքաղաքի Կենտրոն վարչական շրջանի ջրամատակարարումը: Աշխատանքները կներառեն Մյասնիկյան պողոտան:

Հայտարարվում է մրցույթ՝ Երևանի քաղաքապետարանի աշխատակազմի կառուցվածքային և առանձնացված ստորաբաժանումներում համայնքային ծառայության գլխավոր, առաջատար և կրտսեր պաշտոնների խմբերի թափուր պաշտոններ զբաղեցնելու համար։

ՀՀ կառավարությունը և Երևանի քաղաքապետարանը պլանավորում են իրականացնել քաղաքային տրանսպորտի ծրագրեր Երևան քաղաքի երթևեկության շարժունակությունը բարելավելու և տրասնպորտային համակարգի ծանրաբեռնվածությունը նվազեցնելու նպատակով։ Ասիական զարգացման բանկը ֆինանսական աջակցություն է ցուցաբերում Երևանի քաղաքապետարանին հետևյալ աշխատանքներն իրականացնելու համար։ Մոտակա ժամանակներում առաջարկվում է իրականացնել հետևյալ չորս նախագծերը։ Դուք հրավիրված եք մասնակցելու հանրային խորհրդակցության, որտեղ կարող եք առավել մանրամասն տեղեկություններ ստանալ նշված նախագծերի վերաբերյալ և հնարավորություն կունենաք փոխանակել Ձեր կարծիքները և քննարկել Ձեզ հուզող հարցերը տեխնիկական թիմի հետ, մասնավորապես խնդիրը վերաբերում է շրջակա միջավայրի պաշտպանությանը։

Համաձայն ՀՀ աշխատանքի և սոցիալական հարցերի նախարարի 18.09.2006թ. հ. 153-Ն հրամանով հաստատված <<Սոցիալական աջակցության խորհուրդների>> օրինակելի կանոնադրության 4-րդ գլխի 12-րդ, 13-րդ ենթակետերի` Երևան քաղաքում գործող ոչ առևտրային այն կազմակերպությունները, որոնք ցանկություն ունեն ընդգրկվելու Երևանի ՍԾՏԲ-ներին կից հասարակական հիմունքներով գործող <<Սոցիալական աջակցության խորհուրդների>> կազմերում, կարող են հայտ ներկայացնել Երևանի քաղաքապետարանի աշխատակազմի սոցիալական ապահովության վարչություն:

2010 թվականի մարտի 18-ին, ժամը 11:00-ին, Երևանի քաղաքապետարանում տեղի կունենա Երևան քաղաքի ավագանու երրորդ նստաշրջանի երկրորդ նիստը։ Նիստը գումարվում է Երևան քաղաքի ավագանու կանոնակարգի 25-րդ հոդվածի համաձայն։

Սույն հաշվետվությունը ներկայացնում է Երևան քաղաքի 2009 թվականի բյուջեի կատարման վերաբերյալ տվյալներ։ Այն կազմվել է՝ հիմք ընդունելով «Երևան քաղաքում տեղական ինքնակառավարման մասին» ՀՀ օրենքի 82-րդ հոդվածով ամրագրված դրույթները։ Հաշվետվության մեջ ներկայացված են եկամուտների և ծախսերի կատարողական ցուցանիշները, ինչպես նաև դրանց շեղումները ծրագրային ցուցանիշներից։

Համաձայն Երևան քաղաքի ավագանու կանոնակարգի 25-րդ հոդվածի` 2010 թվականի փետրվարի 9-ին, ժամը 11:00-ին գումարվելու է Երևան քաղաքի ավագանու երրորդ նստաշրջանի առաջին նիստը:

2010 թվականի հունվարի 29-ին Մոսկվայի քաղաքապետ Յու. Լուժկովի գլխավորած պատվիրակությունը պաշտոնական այց կկատարի Երևան։ Այցի ընթացքում նախատեսված են հանդիպումներ Երևանի քաղաքապետարանում, համաձայնագրի ստորագրում, նվերների փոխանակում և հանդիպում լրագրողների հետ։ Նախատեսված է նաև այցելություն Նորագյուղ թաղամաս և Մոսկվայի տուն։

Երևանի քաղաքապետարանը և ՀՀ ֆինանսների նախարարությունը դիմել են բանկին՝ Երևանի մետրոյի ներդրումային ծրագրի ֆինանսավորման խնդրանքով։ Մետրոյի ամբողջ համակարգն ունի բարեկարգման կարիք։ Ներկա ծրագիրն ապահովում է ընդհանուր ներդրումային ծրագրի երկու փուլերից մեկը։ Առաջին փուլը պետք է ընդգրկի Առաջնահերթ ներդրումային ծրագիրը (ԱՆԾ), այն է՝ շարժակազմի վերանորոգում, մաշված ուղեգծի և էլեկտրամատակարարման բաղկացուցիչ որոշ մասերի վերանորոգում, տեխնիկական գնացքի ձեռք բերում և պոմպային կայանների վերափոխում։ Երկրորդ փուլը կներառի ուղեգծի բարելավումը և մետրոյի թունելներում ջրի ներհոսքի հիմնախնդիրների կարգավորումը։

Հաշվի առնելով մայրաքաղաքի վարչական շրջանների ղեկավարների, նախադպրոցական հաստատությունների տնօրենների, ծնողների առաջարկները, գրիպի համաճարակը կանխարգելելու նպատակով Երևանի քաղաքապետարանի ենթակայության նախադպրոցական հաստատությունները գործունեությունը կվերսկսեն փետրվարի 1-ից։