Քաղաքապետարանի փաստաթղթեր

2025թ. հունիսի 12-ին, ժամը 11:00-ին, տեղի կունենա Արթուր Հարությունյանի կողմից ներկայացված՝ Աջափնյակ վարչական շրջանի Լուկաշինի փողոց հ. 37/54 հասցեում բենզալցակայանի կառուցման նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99994222: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր կամ գրավոր՝ ծանուցումից հետո 20 աշխատանքային օրվա ընթացքում:

Երևան քաղաքի Էրեբունի վարչական շրջանի թիվ 47 միջնակարգ դպրոցում մայիսի 14-ին՝ ժամը 11:00-11:30-ի սահմաններում, կգործարկվի էլեկտրաշչակ։ Քաղաքապետարանը հայցում է քաղաքացիների ներողամտությունը՝ հնարավոր անհարմարությունների համար։

2025թ. հունիսի 11-ին, ժամը 11:00-ին, տեղի կունենա Վիկտոր Տեր-Հովսեփյանի կողմից ներկայացված՝ Երևան քաղաքի Կենտրոն վարչական շրջանի Անտառային փողոց հասցեներում բազմաֆունկցիոնալ բնակելի համալիր կառուցելու նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99991155: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր կամ գրավոր՝ ծանուցումից հետո 20 աշխատանքային օրվա ընթացքում:

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 12-ից կկատարվի երթևեկության կազմակերպման փոփոխություն: Մասնավորապես՝ Կողբացու փողոցում՝ Եղիշե Չարենցի անվան դպրոցի հարակից ճանապարհահատվածում, ուղղությունը դեպի Ամիրյան փողոց, երթևեկությունը կկազմակերպվի միակողմանի.

2025թ. հունիսի 9-ին՝ ժամը 15:00-ին, տեղի կունենա «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի կողմից ներկայացված՝ Իսակով-Արշակունյաց ճանապարհային հանգույցի կառուցման նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ ԵԿՆ ԾԻԳ-ի գրասենյակում: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր կամ գրավոր՝ ծանուցումից հետո 20 աշխատանքային օրվա ընթացքում:

Հարգելի քաղաքացիներ, տեղեկացնում ենք, որ մայրաքաղաքում նախատեսվում է փորձնական փուլով կատարել նոր՝ «դեղին հոծ գիծ» գծանշումը այն վայրերում, որտեղ արգելված է կանգառը։ Այս գծանշումը կկատարվի մայթեզրին՝ համաձայն ՀՀ կառավարության որոշման։ Փորձնական կատարման համար ընտրվել է Աբովյան փողոցը՝ հասարակական տրանսպորտի համար առանձնացված գոտու ամբողջ երկայնքով։

«Վեոլիա Ջուր» ընկերությունը տեղեկացնում է, որ մայիսի 8-ին, ժամը 09:00-ից մինչև մայիսի 9-ը, ժամը 09:00-ն, կդադարեցվի Էրեբունի վարչական շրջանի մի շարք հասցեների ջրամատակարարումը՝ վթարի վերացման աշխատանքներով պայմանավորված։ Ընկերությունը հայցում է սպառողների ներողամտությունը պատճառված անհանգստության համար։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 12-ից կկատարվի երթևեկության կազմակերպման փոփոխություն: Մասնավորապես՝ Սարյան փողոցից դեպի Մաշտոցի պողոտա ուղղությամբ, «Հայ-Արտ» մշակույթային կենտրոնի հարակից ճանապարհահատվածում կարգելվի մեքենաների կանգառը.

2025թ. հունիսի 4-ին՝ ժամը 11:00-ին, տեղի կունենա «ԱՐՄԵՆԻԱ» ՄԻՋԱԶԳԱՅԻՆ ՕԴԱՆԱՎԱԿԱՅԱՆՆԵՐ» ՓԲ ընկերության կողմից ներկայացված՝ Մալաթիա-Սեբաստիա վարչական շրջանի Ի.Գասպարյան փողոց հ. 30 հասցեում ավտոհանգրվանի վերակառուցման նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99994222: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ Երևանի քաղաքապետարան, ծանուցումից հետո 20 աշխատանքային օրվա ընթացքում: Համայնքի ղեկավարի կողմից հանրային լսման համար լիազորված անձ՝ Երևանի քաղաքապետարանի աշխատակազմի բնապահպանության վարչության գլխավոր մասնագետ-էկոլոգ Էլլադա Արամյան (էլ.փոստ՝ ellada.aramyan@yerevan.am, հեռ․՝ 011-514-263):

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 6-ից կկատարվի երթևեկության կազմակերպման փոփոխություն: Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով:

Մայիսի 1-ից կկատարվեն երթևեկության կազմակերպման փոփոխություններ՝ տրանսպորտային հոսքերի անցանելիությունն ավելացնելու նպատակով: Մասնավորապես՝ Մաշտոցի պողոտա–Պուշկին փողոց խաչմերուկից եկող ուղղությամբ երթևեկությունը կթույլատրվի «միայն ուղիղ» ուղղությունով՝ փոխարինելով նախկին «ուղիղ և ձախ» երթևեկությանը: Փոփոխությունները կիրականացվեն նաև Մաշտոցի պողոտա-Խորենացի փողոց և Մաշտոցի պողոտա-Ամիրյան փողոց խաչմերուկներում:

Ապրիլի 26-ին կնշվի «ՀՀ քաղաքացու օր» տոնը։ Միջոցառումներով ՀՀ բոլոր մարզերի քաղաքային ու գյուղական 79 բնակավայրերում, այդ թվում՝ Ապարանում և Երևանի 12 վարչական շրջաններում նախատեսվում է կազմակերպել բանախոսությունների շարք երիտասարդների մասնակցությամբ։ Կկազմակերպվի նաև խորհրդանշական ծառատունկ, որին կհաջորդի մինչև 30 րոպե տևողությամբ մշակութային միջոցառում։

2025 թվականի ապրիլի 23-ին, ժամը 11:00-11:30-ի սահմաններում, Արաբկիր վարչական շրջանի թիվ 21 հիմնական դպրոցում կգործարկվի էլեկտրաշչակ: Հայցվում է քաղաքացիների ներողամտությունը:

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և ՀՀ կառավարության 2014 թվականի դեկտեմբերի 28-ի N 2343-Ն որոշման՝ 2025 թվականի մայիսի 6-ին՝ ժամը 11:00-ին, Երևան քաղաքի Արաբկիր վարչական շրջանի ղեկավարի նստավայրում տեղի կունենա «ՋԻ ԹԻ ԲԻ Թաուեր» ՍՊԸ-ի կողմից ներկայացված՝ Երևան քաղաքի Արաբկիր վարչական շրջանի Կոմիտաս 53/10 հասցեում բազմաբնակարան բնակելի շենքի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ լսում): Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքերում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին:

2025 թվականի ապրիլի 24-ին՝ ժամը 8:30-ից մինչև 22:00-ն, կազմակերպվում է անվճար տրանսպորտային փոխադրում դեպի Ծիծեռնակաբերդի հուշահամալիր՝ Հայոց ցեղասպանության զոհերի հիշատակին նվիրված միջոցառումների շրջանակում։ Փոխադրումը կիրականացվի «Հրազդան» մարզադաշտին հարող տարածքից երկու երթուղիներով։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. ապրիլի 23-ից կկատարվեն երթևեկության կազմակերպման փոփոխություններ. Աբովյան և Իսահակյան փողոցների խաչմերուկից դեպի Կորյուն փողոց երթևեկող մեքենաների համար Աբովյան և Կորյուն փողոցների խաչմերուկում տեղադրված աջ լրացուցիչ սեկցիան կապամոնտաժվի: Կապամոնտաժվի նաև Մաշտոցի պողոտա – Ամիրյան փողոց խաչմերուկում՝ Մաշտոցի պողոտա - Խորենացի փողոց խաչմերուկից դեպի Ամիրյան փողոց երթևեկող մեքենաների համար տեղադրված աջ լրացուցիչ սեկցիան.

2025 թվականի ապրիլի 22-ին, ժամը 10:00-ին, գումարվելու է Երևան քաղաքի ավագանու 4-րդ նստաշրջանի 3-րդ նիստը։ Նիստը կանցկացվի Երևանի քաղաքապետարանում։ Մանրամասն օրակարգը ներկայացված չէ։