Քաղաքապետարանի փաստաթղթեր

2026 թվականի հունվարի 28-ին, ժամը 13:00-ից մինչև 20:00-ն, Հրազդանի կիրճի մարզական գոտու 2,5 կմ երկարությամբ հատվածը կփակվի երթևեկության համար՝ «Tricolor» Yerevan Night Run գիշերային մրցավազք անցկացնելու նպատակով։ Մրցավազքը նվիրված է ՀՀ բանակի կազմավորման 34-րդ տարեդարձին։

Համբարձումյան փողոցում երթևեկությունը կկազմակերպվի միակողմ՝ Բաղրամյան պողոտայից մինչև Գյուլբենկյան փողոց և Վաղարշյան փողոցից մինչև Փափազյան փողոց, ս.թ. հունվարի 24-ից՝ տրանսպորտային հոսքերի անցանելիությունն ավելացնելու նպատակով։

2026 թվականի փետրվարի 3-ին՝ ժամը 11:00-ին, Երևանի Էրեբունի վարչական շրջանի ղեկավարի նստավայրում տեղի կունենա հանրային լսում։ Քննարկման առարկան է Դավիթ-Բեկի փողոցի 54/12-54/9 հասցեում նախատեսվող հեղուկ վառելանյութի լիցքավորման կայանի կառուցման աշխատանքների շրջակա միջավայրի վրա ազդեցության գնահատման հաշվետվությունը։ Փաստաթղթերին կարելի է ծանոթանալ շրջակա միջավայրի նախարարության, Երևանի քաղաքապետարանի և նախաձեռնողի պաշտոնական կայքերում։ Լրացուցիչ տեղեկությունների և առաջարկությունների համար կարելի է դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

2026 թվականի փետրվարի 4-ին՝ ժամը 11:00-ին, Երևանի Էրեբունի վարչական շրջանի ղեկավարի նստավայրում տեղի կունենա «Նազարյան քուլինգ սիսթեմս» ՍՊԸ-ի կողմից ներկայացված՝ Երևան քաղաքի Էրեբունի վարչական շրջանի Արին-Բերդի փողոցի 10/18 հասցեում նախատեսվող պահեստային շինությունների կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ փուլ)։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Երևանի քաղաքապետարանի և նախաձեռնողի (առկայության դեպքում) պաշտոնական կայքերում։

2026 թվականի փետրվարի 20-ին, ժամը 10:00-ին, տեղի կունենա «ՄԻԲՍ» ՍՊԸ-ի կողմից ներկայացված՝ Երևան քաղաքի Արաբկիր վարչական շրջանի Թբիլիսյան խճուղի հ. 29/3 հասցեում ամբուլատոր պոլիկլինիկայի կառուցման նախատեսվող գործունեության վերաբերյալ առաջին հանրային լսումը։ Շահագրգիռ հանրությունը կարող է առաջարկություններ ներկայացնել բանավոր՝ լսումների ընթացքում կամ գրավոր՝ ծանուցումից հետո 20 աշխատանքային օրվա ընթացքում։

2026 թվականի հունվարի 30-ին՝ ժամը 11:00-ին, Կենտրոն վարչական շրջանի ղեկավարի նստավայրում տեղի կունենա «ԶԵԹ ԻՔՍ ԳԱՐԱԺ» ՍՊԸ-ի կողմից ներկայացված Երևանի Կենտրոն վարչական շրջանի Արշակունյաց պողոտա 11 հասցեում հասարակական նշանակության շենքի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքերում։

2026 թվականի հունվարի 29-ին, ժամը 11:00-ին, Շենգավիթ վարչական շրջանի ղեկավարի նստավայրում տեղի կունենա «ՅԱՌԴ» ՍՊԸ-ի կողմից ներկայացված Երևանի Շենգավիթ վարչական շրջանի Արշակունյաց պողոտա 28/26 հասցեում բազմաբնակարան բնակելի շենքի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքերում։

2026 թվականի հունվարի 30-ին, ժամը 12:30-ին, Մալաթիա-Սեբաստիա վարչական շրջանի ղեկավարի նստավայրում տեղի կունենա «Նատալի ֆարմ» ՍՊԸ-ի կողմից ներկայացված ավտոկայանատեղիի կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի կայքերում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

Հայտարարվում է երկփուլ բաց մրցույթ՝ Երևան քաղաքում խառը կենցաղային թափոնների վերամշակման գործարանի կառուցման և շահագործման համար ներդրողի ընտրության վերաբերյալ։ Մրցույթը կազմակերպում է Երևանի քաղաքապետարանը։ Մրցութային փաթեթները պետք է ներկայացվեն հրապարակման օրվանից 60 աշխատանքային օրվա ընթացքում։ Մրցույթի նպատակներն են բնապահպանական նորմերին համապատասխան վերամշակումը, բնակչության առողջության բարելավումը, մաքուր միջավայրի ապահովումը, էներգետիկ և նյութական օգուտների ստացումը, կլիմայական խնդիրների մեղմացումը և աշխատատեղերի ստեղծումը։

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և ՀՀ կառավարության 2014 թվականի նոյեմբերի 19-ի N 1325-Ն որոշման (խմբ. 28.12.23 N 2343-Ն) հավելվածի՝ 2026 թվականի հունվարի 8-ին՝ ժամը 11։00-ին, Երևան քաղաքի Ավան վարչական շրջանի ղեկավարի նստավայրում տեղի կունենա «Ջիբրեյն» ՍՊԸ-ի կողմից փորձաքննության ներկայացված Մ․Բաբաջանյան փ․ Հ․117/4 հասցեում նախատեսվող բնակելի տների կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ լսում)։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Երևանի քաղաքապետարանի և նախաձեռնողի (առկայության դեպքում) պաշտոնական կայքերում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք. Երևան, Բուզանդի 1/3, էլ.փոստ՝ envexpertise@env.am), հեռ. 011 220 218:

Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և ՀՀ կառավարության 2014 թվականի նոյեմբերի 19-ի N 1325-Ն որոշման (խմբ. 28.12.23 N 2343-Ն) հավելվածի՝ 2026 թվականի հունվարի 13-ին՝ ժամը 11։00-ին, Երևան քաղաքի Արաբկիր վարչական շրջանի ղեկավարի նստավայրում տեղի կունենա «Հայաստանի ամերիկյան համալսարան» հիմնադրամի կողմից ներկայացված՝ Երևան քաղաքի Բաղրամյան 40 հասցեին հարող տարածքում նախատեսվող բարեկարգման և կանաչապատման աշխատանքների՝ շրջակա միջավայրի վրա ազդեցության գնահատման հաշվետվության վերաբերյալ հանրային լսում (2-րդ լսում)։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Երևանի քաղաքապետարանի և նախաձեռնողի (առկայության դեպքում) պաշտոնական կայքերում: Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք. Երևան, Բուզանդի 1/3, էլ.փոստ՝ envexpertise@env.am), հեռ. 011 220 218:

Դեկտեմբերի 24/25-ին Երևանի Ավան, Նոր Նորք, Նորք Մարաշ, Էրեբունի վարչական շրջաններում և Առինջ գյուղում հայտարարված պլանային ջրանջատումը չեղարկվում է: «Վեոլիա Ջուր» ընկերությունը բաշխիչ ցանցում առաջացած խնդիրը լուծել է այլընտրանքային տարբերակով՝ առանց ջրանջատման: Շնորհակալ ենք ըմբռնման համար.

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. դեկտեմբերի 24-ից կկատարվի երթևեկության կազմակերպման փոփոխություն: Մասնավորապես՝ Պարոնյան փողոցում՝ Պարոնյան - Ռուսթավելիի փողոցների խաչմերուկում (նախկին Դվին հյուրանոցի մոտ), Ռուսթավելիի փողոցի կողմից կարգելվի ձախ շրջադարձը.

«Վեոլիա Ջուր» ընկերությունը տեղեկացնում է, որ Աշտարակի խճուղում՝ Պռոշյան գյուղի մոտ, վթարվել է «Ապարան-Երևան» ջրատարը։ Դեկտեմբերի 21-ին՝ ժամը 12:30-ից մինչև դեկտեմբերի 22-ը՝ ժամը 12:30-ը, կդադարեցվի Դավթաշեն 1-4 զանգվածների, Ձոր 1, 2, Նորաշեն, Նազարբեկյան, Գ-1 թաղամասերի ջրամատակարարումը։ Ընկերությունը հայցում է ներողամտություն պատճառված անհանգստության համար։

2025 թվականի դեկտեմբերի 23-ին, ժամը 10:00-ին, գումարվելու է Երևան քաղաքի ավագանու 5-րդ նստաշրջանի 4-րդ նիստը։ Նիստը կանցկացվի «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի համաձայն։ Օրակարգի նախագիծը ներառում է 31 կետ։

Դեկտեմբերի 22-ից Պուշկինի փողոցում՝ Պուշկինի - Սարյան փողոցների խաչմերուկից մինչև Պուշկինի փողոց – Մաշտոցի պողոտա խաչմերուկ, երթևեկելի մասի ձախ կողմում կարգելվի մեքենաների կանգառը՝ մայրաքաղաքում տրանսպորտային հոսքերի անցանելիությունն ավելացնելու նպատակով։

Հայտնում ենք, որ «Ջիբրեյն» ՍՊԸ-ի կողմից ներկայացված բնակելի տների կառուցման աշխատանքների շրջակա միջավայրի վրա ազդեցության գնահատման հաշվետվության վերաբերյալ 2-րդ հանրային լսումը, որը նշանակված էր 2025թ. դեկտեմբերի 19-ին, ժամը 11:00-ին, Ավան վարչական շրջանի ղեկավարի նստավայրում, չեղարկվել է։ Հանրային լսումների մասին ծանուցումը կկատարվի օրենքով սահմանված կարգով։