Քաղաքապետարանի փաստաթղթեր

Հուլիսի 3-ից Արգիշտիի փողոցում կփոփոխվի երթևեկության կազմակերպումը դեպի «Հաղթանակի» կամուրջ տանող ուղղությամբ՝ թույլատրվելով երթևեկություն «ուղիղ և աջ», «ուղիղ և ձախ» ուղղություններով։ Իտալիայի փողոցում կարգելվի մեքենաների կանգառը երթևեկելի մասի աջ կողմում։ Փոփոխությունները կատարվում են տրանսպորտային հոսքերի անցանելիությունն ավելացնելու նպատակով։

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հուլիսի 1-ից կկատարվի երթևեկության կազմակերպման փոփոխություն: Մասնավորապես՝ «Էրեբունի պլազա»-ին հարակից՝ Հանրապետության հրապարակից դեպի Մհեր Մկրտչյան փողոց ուղղությամբ երթևեկությունը կկազմակերպվի միակողմ: Միաժամանակ Մհեր Մկրտչյան փողոցի վերջնամասում՝ Տիգրան Մեծ պողոտային հարող ճանապարհահատվածում երթևեկությունը նախկին երկու երթևեկելի ուղղության փոխարեն կկազմակերպվի միակողմ:

Հունիսի 27-ին, ժամը 18:30-ից մինչև 21:00-ն, Իսահակյան-Թամանյան փողոցների խաչմերուկը կփակվի երթևեկության համար՝ ազգային պարերի ուսուցման միջոցառում կազմակերպելու նպատակով։

«Վեոլիա ջուր» ընկերությունը տեղեկացնում է, որ հունիսի 26-ին՝ ժամը 09:00-ից մինչև հունիսի 27-ը՝ ժամը 09:00-ն, կդադարեցվի Շենգավիթ վարչական շրջանի Արցախի 4-րդ և 5-րդ նրբանցքների, Նորագավիթ և Ներքին Շենգավիթ թաղամասերի, Արշակունյաց 260-330 համարների, Արտաշատի խճուղու ջրամատակարարումը։ Ընկերությունը հայցում է սպառողների ներողամտությունը պատճառված անհանստության համար։

2025 թվականի հուլիսի 23-ին՝ ժամը 11:00-ին, տեղի կունենա «ԶԵԹ ԻՔՍ ԳԱՐԱԺ» ՍՊԸ-ի կողմից ներկայացված՝ Երևան քաղաքի Կենտրոն վարչական շրջանի Արշակունյաց պողոտա հ. 11 հասցեում հասարակական նշանակության շենք կառուցելու նախատեսվող գործունեության վերաբերյալ առաջին հանրային լսումը։ Փաստաթղթերին կարելի է ծանոթանալ՝ զանգահարելով (+374) 99994222։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում։

ՀՀ կառավարության որոշմամբ հաստատվել է «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի կողմից իրականացվող Երևանի քաղաքային զարգացման ներդրումային ծրագրի հողի օտարման և տարաբնակեցման ծրագիրը, որի հայերեն և անգլերեն տարբերակները կարող եք բեռնել

Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հունիսի 24-ից երթևեկության կազմակերպման փոփոխություն կկատարվի Սուրբ Գրիգոր Լուսավորչի փողոցում: Մասնավորապես՝ Սուրբ Գրիգոր Լուսավորչի – Արգիշտիի փողոցների խաչմերուկում կարգելվի ձախ շրջադարձը Սուրբ Գրիգոր Լուսավորչի փողոցից դեպի Արգիշտիի փողոց: Բեյրութիի փողոցից դեպի Արգիշտիի փողոց առաջին երթևեկելի գոտուց՝ նախկին թույլատրված «ուղիղ և աջ» երթևեկության փոխարեն երթևեկությունը կթույլատրվի «միայն աջ» ուղղությունով, դեպի Սուրբ Գրիգոր Լուսավորչի փողոց ուղղությամբ:

«Վեոլիա Ջուր» ընկերությունը տեղեկացնում է, որ հունիսի 23-ին, ժամը 11:00-ից մինչև 20:00-ն, Աջափնյակ վարչական շրջանում կլինի ջրամատակարարման խախտում և ճնշման անկում։ Սա պայմանավորված է «Գյումուշի» պոմպակայանում «Հայաստանի էլեկտրական ցանցեր» ՓԲԸ-ի կողմից իրականացվող պլանային հոսանքազրկման աշխատանքներով։

Հանրային քննարկումներ կանցկացվեն Երևան քաղաքի ավագանու որոշման նախագծի վերաբերյալ։ Մասնակցությունը բաց է բոլոր շահագրգիռ ֆիզիկական և իրավաբանական անձանց համար։ Առաջարկություններ և դիտողություններ կարելի է ներկայացնել մինչև 2025 թվականի հուլիսի 8-ը։ Հանրային բաց լսումները տեղի կունենան 2025 թվականի հուլիսի 4-ին՝ ժամը 11:00-ին, Արգիշտիի փողոցի 1 հասցեում։ Մասնակցության համար անհրաժեշտ է մինչև հուլիսի 3-ը ներկայացնել դիմում։

2025 թվականի հուլիսի 2-ին՝ ժամը 11:00-ին, Երևանի Կենտրոն վարչական շրջանի ղեկավարի նստավայրում տեղի կունենա հանրային լսում՝ նվիրված Ռոբերտ Գասպարյանի կողմից ներկայացված՝ Դեմիրճյան փողոց 2 հասցեում նախատեսվող բազմաֆունկցիոնալ շենքի կառուցման աշխատանքների շրջակա միջավայրի վրա ազդեցության գնահատման հաշվետվությանը։ Փաստաթղթերին կարելի է ծանոթանալ www.env.am կայքում։ Լրացուցիչ տեղեկությունների և առաջարկությունների համար կարելի է դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

2025 թվականի հունիսի 24-ին, ժամը 10:00-ին, գումարվելու է Երևան քաղաքի ավագանու 4-րդ նստաշրջանի 5-րդ նիստը։ Նիստը կանցկացվի համաձայն «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի։ Նիստի օրակարգի նախագիծը ներառում է 25 հարց։

Հունիսի 19-ից կկատարվեն լուսացուցային օբյեկտների աշխատանքային ռեժիմների փոփոխություններ Արշակունյաց պողոտա – Ագաթանգեղոսի և Սուրբ Գրիգոր Լուսավորչի փողոցների, Սուրբ Գրիգոր Լուսավորիչ – Արգիշտիի փողոցների, Սուրբ Գրիգոր Լուսավորչի փողոց – Մաշտոցի պողոտա, Պարոնյան և Լեոյի փողոցների խաչմերուկներում՝ մայրաքաղաքում տրանսպորտային հոսքերի անցանելիությունն ավելացնելու նպատակով։ Քաղաքացիներին խնդրում են պահպանել երթևեկության կանոնները և ուշադրություն դարձնել լուսացույցների ազդանշաններին։

2025թ. հուլիսի 22-ին՝ ժամը 11:00-ին, տեղի կունենա «Երևան նախագիծ» ՓԲԸ-ի կողմից ներկայացված՝ Երևան քաղաքի Նուբարաշեն վարչական շրջանում նախատեսվող «Հոգեկան առողջության պահպանման ազգային կենտրոն» ՓԲԸ-ի հատուկ հսկողության մասնաշենքի կառուցման վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (010) 56-27-11: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

2025թ. հուլիսի 21-ին, ժամը 15:00-ին, Երևան քաղաքի Կենտրոն վարչական շրջանի ղեկավարի նստավայրում տեղի կունենա «Ա-Վերդի» ՓԲԸ-ի կողմից ներկայացված՝ Երևան քաղաքի Կենտրոն վարչական շրջանի Կորյունի փողոց հ. 14 հասցեում նախատեսվող բազմաֆունկցիոնալ հասարակական շենք կառուցելու նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99991155: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

Համաձայն «Երևան քաղաքում տեղական ինքնակառավարման մասին» օրենքի՝ 2025 թվականի հունիսի 24-ին ժամը 10:00-ին գումարվելու է Երևան քաղաքի ավագանու 4-րդ նստաշրջանի 5-րդ նիստը։ Նիստի օրակարգի նախագիծը ներկայացված է։

2025թ. հուլիսի 17-ին՝ ժամը 11:00-ին, տեղի կունենա «ԲԱԶԵ ԹՐԵՅԴ» ՍՊԸ-ի կողմից ներկայացված՝ Երևան քաղաքի Դավթաշեն վարչական շրջանի Դավթաշեն 3-րդ թաղամաս հ. 19/3, 19/4, 19/5 և 19/6 հասցեներում բազմաբնակարան բնակելի համալիր կառուցելու նախատեսվող գործունեության վերաբերյալ առաջին հանրային լսումը: Փաստաթղթերին կարելի է ծանոթանալ՝ զանգահարելով (+374) 99991155: Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում:

2025թ. հուլիսի 16-ին՝ ժամը 11:00-ին, տեղի կունենա առաջին հանրային լսումը՝ նվիրված «Հայաստանի ամերիկյան համալսարան» հիմնադրամի կողմից ներկայացված՝ Հայաստանի ամերիկյան համալսարանի հիմնական մասնաշենքին հարող տարածքի բարեկարգման և կանաչապատման նախատեսվող գործունեության վերաբերյալ։ Փաստաթղթերին կարելի է ծանոթանալ՝ զանգահարելով (+374) 99994222։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ ծանուցումից հետո 20 աշխատանքային օրվա ընթացքում։