Քաղաքապետարանի փաստաթղթեր

ՀՀ կառավարության որոշումների և Ասիական զարգացման բանկի հետ կնքված համաձայնագրերի համաձայն՝ «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ը իրականացնում է Ծովակալ Իսակովի պողոտան Արշակունյաց պողոտային միացնող ավտոմայրուղու շինարարության ծրագիրը։ Այս ծրագրի շրջանակներում պատրաստվում և հանրությանն են ներկայացվում սոցիալական ազդեցությունների մշտադիտարկման արդյունքների վերաբերյալ պարբերական հաշվետվություններ։ Ներկայացված հաշվետվությունը վերաբերում է 2025 թվականի հուլիս-դեկտեմբեր ամիսներին Իսակովի-Արշակունյաց ճանապարհահատվածի կառուցման նպատակով հողերի ձեռքբերմանը, տուժած անձանց վերաբերյալ գործընթացներին և բողոքների քննությանը։ Հաշվետվության ամբողջական տարբերակը հասանելի է անգլերեն։

Երևանի Մալաթիա-Սեբաստիա վարչական շրջանի հ. 181 հիմնական դպրոցում ապրիլի 14-ին՝ ժամը 13:30-14:30-ի սահմաններում, գործարկվելու է էլեկտրաշչակ։ Քաղաքապետարանը հայցում է քաղաքացիների ներողամտությունը՝ հնարավոր անհանգստության համար։

2026 թվականի ապրիլի 27-ին՝ ժամը 11:00-ին, Շենգավիթ վարչական շրջանի ղեկավարի նստավայրում տեղի կունենա «Էդմետ» ՍՊԸ-ի կողմից ներկայացված ալյումինի ձուլակտորներից արտադրատեսակների արտադրության կազմակերպման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում և նախաձեռնողի կայքում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

Հանրային լսում կանցկացվի 2026 թվականի ապրիլի 28-ին՝ ժամը 11:00-ին, Երևանի Կենտրոն վարչական շրջանի ղեկավարի նստավայրում։ Լսումը վերաբերում է «Զանգված» ՍՊԸ-ի կողմից ներկայացված՝ Երևանի Կենտրոն վարչական շրջանի Նար-Դոս փողոցի 38 հասցեում նախատեսվող Մ. Նալբանդյանի անվան թիվ 33 հիմնական դպրոցի կառուցման շրջակա միջավայրի վրա ազդեցության գնահատման հաշվետվությանը։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում և նախաձեռնողի կայքերում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

Հաղորդագրություն քաղաքացիներին՝ Երևանում ապրիլի 9-10-ը սպասվող քամու ուժգնացման վերաբերյալ։ Տրվում են խորհուրդներ, թե ինչպես վարվել փողոցում, տանը և մեքենա վարելիս՝ ուժեղ քամու պայմաններում։ Խորհուրդ է տրվում հետևել Ներքին գործերի նախարարության Փրկարար ծառայության հաղորդագրություններին և անհրաժեշտության դեպքում զանգահարել «112»։

Հարգելի՛ քաղաքացիներ, տեղեկացնում ենք, որ Սարյան և Տիտոգրադյան փողոցներում արդեն մեկնարկել են միջին նորոգման աշխատանքները: Այսօրվանից միջին նորոգման աշխատանքներ են սկսվել նաև Անտոն Քոչինյան- Բուզանդ խաչմերուկից մինչև Աբովյան-Բուզանդ խաչմերուկն ընկած հատվածում:

«Վեոլիա ջուր» ընկերությունը տեղեկացնում է, որ պլանային աշխատանքների պատճառով ապրիլի 8-ին, ժամը 10:00-ից մինչև ապրիլի 9-ը, ժամը 10:00-ն կդադարեցվի Երևանի Աջափնյակ վարչական շրջանի Սիլիկյան թաղամասի ջրամատակարարումը։ Ընկերությունը ներողություն է խնդրում պատճառված անհանգստության համար։

2026 թվականի մայիսի 8-ին, ժամը 11:00-ին, տեղի կունենա առաջին հանրային լսումը «ԵՐԵՎԱՆՆԱԽԱԳԻԾ» ՓԲԸ-ի կողմից ներկայացված՝ Երևան քաղաքի Արաբկիր վարչական շրջանի Շրջանցիկ թունել փ. հ. 42/1 հասցեում մանկապարտեզի կառուցման նախատեսվող գործունեության վերաբերյալ։ Շահագրգիռ հանրությունը կարող է առաջարկություններ ներկայացնել լսումների ընթացքում կամ դրանից հետո 20 աշխատանքային օրվա ընթացքում։

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. ապրիլի 8-ից երթևեկության կազմակերպման փոփոխություն կկատարվի Պարոնյան փողոցում: Մասնավորապես` Պարոնյան փողոց, 22/1 հասցեի շինությանը հարակից ճանապարհահատվածից մինչև Պարոնյան փողոց, 22 հասցեի շենքին հարակից ճանապարհահատված կանգառը կարգելվի.

2026 թվականի ապրիլի 14-ին՝ ժամը 11:30-ին, Երևանի Աջափնյակ վարչական շրջանի ղեկավարի նստավայրում տեղի կունենա «ՆՍԹ ԱՐՔԻԹԵՔՉՈՒՐ ՍՏՈՒԴԻՈ» ՍՊԸ-ի կողմից ներկայացված՝ Ակադեմիական քաղաքի գլխավոր հատակագծի ՌԷԳ հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

2025 թվականին Երևանի քաղաքապետարանի և վարչական շրջանների «Մեկ պատուհան» գրասենյակներում էլեկտրոնային փաստաթղթաշրջանառության համակարգ է մուտքագրվել 218795 փաստաթուղթ։ Քաղաքապետարանի Արգիշտի 1 հասցեում գտնվող գրասենյակում մուտքագրվել է 132505 փաստաթուղթ։ Քաղաքապետարանի աշխատակազմի քարտուղարության զանգերի սպասարկման և աջակցման բաժնի 1-05 հեռախոսահամարով ստացվել է 217877 հեռախոսազանգ։ Քաղաքացիների կողմից «Ակտիվ քաղաքացի» հարթակ է մուտքագրվել 28427 հայտ։ ՀՀ Կառավարության N 1204-Ն որոշման համաձայն՝ համակարգ մուտքագրված փաստաթղթերի հիմքով քաղաքացիներին, կազմակերպություններին և իրավաբանական այլ անձանց տրամադրված հիմնական փաստաթղթերի վերաբերյալ ամենամյա վիճակագրական տվյալները ներկայացված են։ Երևանի 12 վարչական շրջանների ղեկավարների աշխատակազմերի գրասենյակներում մուտքագրվել է 86290 փաստաթուղթ։

Հարգելի՛ քաղաքացիներ, ս.թ. ապրիլի 1-ից Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման փոփոխություն: Մասնավորապես՝ նշված խաչմերուկում տեղադրված 3.1՝ «Մուտքն արգելվում է», 3.18.1՝ «Աջ շրջադարձն արգելվում է» ճանապարհային նշանները և 8.5.4՝ «Գործողության ժամանակ (11.00−24.00)» ցուցանակները ժամանակավորապես փակող ծածկոցները կհանվեն:

2026 թվականի ապրիլի 7-ին՝ ժամը 15:00-ին, Երևանի Էրեբունի վարչական շրջանի ղեկավարի նստավայրում տեղի կունենա «ՋԻ ՎԻ ԱՅ» ՍՊԸ-ի կողմից ներկայացված Արին-Բերդի փողոց 5-րդ նրբանցք հ. 13/7 հասցեում նախատեսվող բանեցված յուղերի վերամշակման աշխատանքների շրջակա միջավայրի վրա ազդեցության գնահատման հաշվետվության վերաբերյալ հանրային լսում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքում։ Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին։

Ռուսթավելու փողոցում երթևեկության կազմակերպման փոփոխություն կկատարվի 2026 թվականի մարտի 27-ից՝ մայրաքաղաքում տրանսպորտային հոսքերի անցանելիությունն ավելացնելու նպատակով։ Մասնավորապես, Ռուսթավելու փողոցում Ռուսթավելու – Ֆրիկի փողոցների խաչմերուկից դեպի Կոնդի փողոց 1/3 հասցեի ուղղությամբ երթևեկությունը կկազմակերպվի միակողմանի։

Ապրիլի 3-ից 90 օրացուցային օրով կփակվի Արաբկիր վարչական շրջանի Սարալանջի պողոտա՝ Ա.Ավետիսյան - Վ.Փափազյան փողոցների հատման խաչմերուկը Վաղարշյան - Ա.Ավետիսյան փողոցների հատման խաչմերուկին միացնող ճանապարհահատվածը՝ հիմնանորոգման նպատակով:

Երևանի կառուցապատման ներդրումային ծրագրերի իրականացման գրասենյակը Երևանի քաղաքապետարանի հետ համատեղ մեկնարկում է «Մոդել Երևան» փորձնական ծրագիրը։ Սա եզակի հնարավորություն է երիտասարդների համար՝ տեսնելու, թե ինչպես է իրականում գործում քաղաքային կառավարումը։ Ծրագրի շրջանակում մասնակիցները կքննարկեն իրական քաղաքային խնդիրներ, կհանդիպեն ոլորտի մասնագետների հետ, կմասնակցեն սիմուլյացիոն մրցույթի՝ հանդես գալով Երևանի քաղաքապետի, ավագանու անդամի, հանձնաժողովի նախագահի և այլ դերերով։ Դիմել կարող են 16–25 տարեկան երիտասարդները, ովքեր ապրում կամ ուսանում են Երևանում։ Դիմումների վերջնաժամկետ՝ ապրիլի 17։

Մայրաքաղաքում տրանսպորտային հոսքերի անցանելիությունն ավելացնելու նպատակով 2026 թվականի մարտի 20-ից կկատարվի փոփոխություն Արմենակ Արմենակյան փողոցում՝ մասնավորապես, Արմենակյան – Սերո Խանզադյան փողոցների խաչմերուկում արգելվելու է տրանսպորտային միջոցների հետադարձը: