Քաղաքապետարանի փաստաթղթեր

Հոկտեմբերի 12-ից Դավիթ Անհաղթի – Ուլնեցու փողոցների խաչմերուկում կփոփոխվի երթևեկության կազմակերպումը՝ տրանսպորտային հոսքերի անցանելիությունն ավելացնելու նպատակով։ Կկատարվեն փոփոխություններ երթևեկության ուղղություններում, կապամոնտաժվեն լրացուցիչ սեկցիաներ և կտեղադրվեն նորերը՝ ավտոմատ կարգավորմամբ։ Կկատարվեն նաև համապատասխան գծանշում և կտեղադրվեն ճանապարհային նշաններ։

Հոկտեմբերի 11-ին՝ ժամը 12:00-ից մինչև հոկտեմբերի 12-ի ժամը 21:00-ն, «Էրեբունի-Երևան 2806-ամյակին» նվիրված տոնակատարության միջոցառումներով պայմանավորված, կդադարեցվի երթևեկությունը «Էրեբունի» պատմահնագիտական արգելոց-թանգարանի դիմացի հրապարակում։ Ավտոբուսային հ. 18, 38, 56 երթուղիները կփոփոխվեն, իսկ տրոլեյբուսային հ.2 երթուղու աշխատանքը կդադարեցվի։

Համաձայն «Երևան քաղաքում տեղական ինքնակառավարման մասին» օրենքի 28-րդ հոդվածի 1-ին մասի՝ 2024 թվականի հոկտեմբերի 15-ին` ժամը 10:00-ին, գումարվելու է Երևան քաղաքի ավագանու 3-րդ նստաշրջանի 2-րդ նիստը՝ օրակարգի նախագծով։

«Վեոլիա Ջուր» ընկերությունը տեղեկացնում է, որ հոկտեմբերի 7-ին՝ ժամը 10:00-20:00-ն, վթարի վերացման աշխատանքներով պայմանավորված, կդադարեցվի Երևանի Նոր Նորք և Ավան վարչական շրջանների, ինչպես նաև Կոտայքի մարզի Առինջ գյուղի որոշ հասցեների ջրամատակարարումը։ Ընկերությունը հայցում է սպառողների ներողամտությունը պատճառված անհանանգստության համար։

Հոկտեմբերի 7-ից Աճառյան փողոցում կփոխվի երթևեկության կազմակերպումը՝ մեքենաների կայանումը կարգելվի փողոցի աջ կողմում՝ հ.32 հասցեից մինչև Աճառյան –Բաբաջանյան փողոցների խաչմերուկ, ինչպես նաև հ.33/6 հասցեից մինչև Աճառյան փողոց - Աճառյան 1-ին փակուղի խաչմերուկ։ Կկատարվեն համապատասխան գծանշում և ճանապարհային նշանների տեղադրում։

Հոկտեմբերի 8-ից Կոմիտասի պողոտա-Ն. Տիգրանյան փողոցի խաչմերուկում կփոփոխվի երթևեկության կազմակերպումը՝ Կոմիտասի պողոտայում «Լամբադա» կամրջի կողմից եկող ուղղությամբ արգելվելով հետադարձը, որպեսզի ավելացվի տրանսպորտային հոսքերի անցանելիությունը մայրաքաղաքում:

Հոկտեմբերի 4-ից մինչև 30-ը, գիշերային ժամերին (23:00-07:00), կանցկացվեն ճանապարհաշինարարական աշխատանքներ, որի ընթացքում կփակվեն Ս. Բաղդասարյան փողոցի որոշ հատվածներ։ Խնդրվում են վարորդները գիշերային ժամերին չկայանել նշված հատվածներում։

Հոկտեմբերի 5-ից Աբովյան և Իսահակյան փողոցների խաչմերուկում կտեղադրվի լրացուցիչ աջ սեկցիա՝ աջ շրջադարձ կատարող տրանսպորտային միջոցների համար, և երթևեկությունը կկարգավորվի լուսացույցային համակարգով՝ տրանսպորտային հոսքերի անցանելիությունն ավելացնելու նպատակով:

Հոկտեմբերի 4-ին, ժամը 18:00-ից մինչև համերգի ավարտը, կդադարեցվի երթևեկությունը Հանրապետության հրապարակում և հարակից փողոցներում՝ WCIT 2024 միջոցառման շրջանակներում տեղի ունեցող համերգի պատճառով։ Ավտոբուսային և միկրոավտոբուսային երթուղիները կշրջանցեն հրապարակը։

Ծանուցում Երևանի Շենգավիթ վարչական շրջանի հ. 79 հիմնական դպրոցում էլեկտրաշչակի գործարկման վերաբերյալ: Միջոցառումը նախատեսված է 2024 թվականի հոկտեմբերի 3-ին՝ ժամը 11:00-ից 11:30-ն ընկած ժամանակահատվածում:

Հոկտեմբերի 3-ից մինչև 15-ը՝ ժամը 08:00-ից 23:00-ը, Վանթյան փողոցի մի հատվածը կփակվի ճանապարհաշինական աշխատանքների պատճառով։ Քաղաքապետարանը հայցում է ներողամտություն պատճառված անհարմարությունների համար։

Հոկտեմբերի 2-ից մինչև նոյեմբերի 15-ը՝ ժամը 23:00-ից 07:00-ն, Թումանյան փողոցի մի հատվածը փուլ առ փուլ կլինի փակ՝ ճանապարհաշինական աշխատանքների պատճառով: Երթևեկությունը կկազմակերպվի հանդիպակաց ուղղության երթևեկելի մեկ գոտու հաշվին: Վարորդներին խնդրում են մեքենաները չկայանել փակ հատվածում:

Հոկտեմբերի 3-ից մինչև նոյեմբերի 20-ը՝ ժամը 23:00-ից մինչև 08:00-ը, Հասրաթյան և Շիրազի փողոցների որոշ հատվածներ կլինեն միակողմանի փակ՝ ճանապարհաշինական աշխատանքների պատճառով: Երթևեկությունը կկազմակերպվի հանդիպակաց ուղղության երթևեկելի մեկ գոտու հաշվին:

2024 թվականի հոկտեմբերի 15-ին՝ ժամը 11:00-ին, Երևան քաղաքի Շենգավիթ վարչական շրջանում տեղի կունենա «ԷՅ ԹԻ ԷՄ ԷՍ Սոլյուշնս» ՍՊԸ-ի կողմից ներկայացված «Ին-Վի» ՍՊԸ-ի էլեկտրահաղորդալարերի և մալուխների արտադրության զարգացում» նախագծի շրջակա միջավայրի վրա ազդեցության գնահատման հաշվետվության վերաբերյալ հանրային քննարկում։ Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am) և նախաձեռնողի պաշտոնական կայքերում։

2024 թվականի նոյեմբերի 4-ին՝ ժամը 11:00-ին, Երևան քաղաքի Աջափնյակ վարչական շրջանի ղեկավարի նստավայրում տեղի կունենա Համլետ Վաչենանցի կողմից ներկայացված՝ բազմաֆունկցիոնալ բնակելի համալիր կառուցելու նախատեսվող գործունեության վերաբերյալ առաջին հանրային լսումը։ Փաստաթղթերին կարելի է ծանոթանալ՝ զանգահարելով (+374) 99991155։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել բանավոր՝ հանրային քննարկման ընթացքում կամ գրավոր՝ Երևանի քաղաքապետարան, ծանուցումից հետո 20 աշխատանքային օրվա ընթացքում։ Համայնքի ղեկավարի կողմից հանրային լսման համար լիազորված անձ՝ Էլլադա Արամյան։

Հոկտեմբերի 2-ից Իսահակյան փողոցի Մաշտոցի պողոտայից մինչև Բաղրամյան պողոտա ընկած հատվածում երթևեկությունը կկազմակերպվի միակողմանի՝ տրանսպորտային հոսքերի անցանելիությունն ավելացնելու նպատակով։ Ճանապարհահատվածը կգծանշվի և կտեղադրվեն համապատասխան նշաններ։

«Վեոլիա Ջուր» ՓԲԸ-ն տեղեկացնում է Նորք-Մարաշ վարչական շրջանի Ա.Արմենակյան, Գ.Հովսեփյան և Նորքի այգիներ փողոցներում ջրամատակարարման ժամանակավոր դադարեցման մասին: Ջրանջատումը պայմանավորված է վթարավերականգնողական աշխատանքներով և կտևի 2024թ. հոկտեմբերի 1-ին՝ ժամը 10:00-ից 22:00-ն: